Deqani-ks
Deqani-ks Forum - Welcome

Mire se vini ne Deqani-ks Forum, Ju ftojme qe te Regjistroheni, ne menyre qe te keni aksese ne te gjitha kategorit dhe temat, ne Deqani-ks Forum, mund te gjeni Shoqeri, Filma Shqip dhe te huaj, Muziken me te re 2011, DVD Humore shqip, Keshilla Mjeksore, Diskutime, Video Klipe, Kuriozitete, dhe Lajmet me te reja nga vendi dhe bota.

Dhuratat "Si të zgjedhim atë të duhurën"

Shiko temën e mëparshme Shiko temën pasuese Shko poshtë

Dhuratat "Si të zgjedhim atë të duhurën"

Mesazh nga No.i.d prej Sat Jul 03, 2010 8:52 am


Dhuratat "Si të zgjedhim atë të duhurën"

Këto ditë, në të gjithë botën, po shpenzohen
miliarda për dhuratat e fundvitit. Megjithatë,
studimet kanë treguar se vetëm një në pesë të
tilla vlerësohet dhe pëlqehet. Ja disa këshilla
që dhurata e zgjedhur të mos përfundojë në
sirtar, ose në rastin më të keq, në plehra

Në fund, ja edhe disa këshilla të çmuara
mbi dhuratat për njerëzit që keni për zemër
1. Do të ishte mirë të dhuronit një parfum të
shtrenjtë, i shoqëruar me një CD me këngë
romantike dhe trëndafil të kuq.
2. Aksesorët apo antikuarët e ndryshëm.
3. Një palë të brendshme të veçanta.
4. Lodra prej pelushi, veshje
5. Libra ose albume fotografish.
6. Një udhëtim do të ishte dhurata më e bukur,
sidomos për një çift të dashuruarish.

No.i.d
Legjend
Legjend

Numri i postimeve : 2728
PIKE : 4556
Popullariteti Popullariteti : 82
Data e regjistrimit : 26/06/2010
Mosha : 23

Mbrapsht në krye Shko poshtë

Re: Dhuratat "Si të zgjedhim atë të duhurën"

Mesazh nga No.i.d prej Sat Jul 03, 2010 8:52 am

Pothuajse në të gjitha kulturat, dhu
rata shpreh një mënyrë për të
treguar dashuri, miqësi dhe
përkushtim. Megjithatë, studimet kanë
treguar se vetëm një në pesë të tilla vlerësohet
dhe pëlqehet, ndërsa të tjerat përfundojnë
në sirtar, ose në rastin më të keq,
në plehra. Në fakt, nuk është aspak e
këndshme nëse në momentin kur hap
kutinë, të duhet të shprehesh: “Njihemi
prej dhjetë vjetësh dhe ende nuk e ka
kuptuar që ngjyra rozë nuk më pëlqen”.
Megjithatë, në shenjë mirënjohjeje, je i
detyruar të japësh një buzëqeshje të shtirur
dhe një falënderim të ngrohtë. Vetëm
në Britaninë e Madhe, sipas një nga
faqeve më të mëdha të internetit për shitjet
online, në këtë periudhë, vlera e dhuratave
të padëshiruara kap shifrën e 2
miliardë eurove. Ndoshta për këtë arsye,
në Britani, një nga shtëpitë më të mëdha
botuese, “Debrett’s”, e njohur për
dhënien e këshillave aristokracisë britanike
dhe e vjetër që me shumë se 200-
vjeçare, ka nxjerrë në qarkullim një libër
mbi atë se çfarë duhet të bëjmë nëse marrim
një dhuratë që na pëlqen pak ose
aspak.
Sipas “Debrett’s”, rregulli i parë është
ai që kemi dëgjuar prej kohësh se ka rëndësi
mendimi dhe jo dhurata, ndërsa këshilla
e dytë është se të shtiresh sikur të
pëlqen dhurata, nuk lidhet me hipokrizinë,
përkundrazi një detyrim që të gjithë
ne duhet ta bëjmë. Sipas saj, asnjëherë
nuk duhet hedhur ose lënë në sirtar kartolina,
apo pusulla që e shoqëron, sepse
është gjithmonë e rëndësishme të kujtohesh
për njerëzit që të kanë për zemër dhe
të kanë blerë dhurata. Pastaj, rregullat
vazhdojnë me shenjën e mirënjohjes, ku
një kartolinë ose një telefonatë falënderimi
do të ishte e përsosur. Për t’u sjellë si
aristokratë të vërtetë, ndalohet rreptësisht
që të thuhet vërdallë se nuk të
pëlqeu dhurata që të bënë, sepse shumë
shpejt fjalët mund të përfundojnë në
veshët e personit që mund t’ju akuzojë si
mosmirënjohës. Fatura për të parë se sa
ka kushtuar një dhuratë, duhet kërkuar
vetëm në rastin e veshjeve, që duhen
ndryshuar për shkak të përmasave, edhe
pse kjo dhuratë mund të jetë bërë nga një
i afërm i ngushtë. E pafalshme, do të ishte,
sipas hartuesve të kësaj liste, të tentosh
të rishesësh dhuratën për të marrë paratë.
Nëse në rastin më të keq, dhurata është e
destinuar të përfundojë në plehra,
atëherë sipas “Debrett’s”, më mirë të provosh
ta ndërrosh. Në fakt, sipas shifrave
të viteve të kaluara, është e sigurt se
shumë njerëz do t’i injorojnë rregullat e
“Debrett’s”, sidomos ajo që thotë se nuk
është mirë që të rishiten dhuratat. Më 27
dhjetorin e vitit të kaluar, “eBay”, sajti i
shitjeve online, regjistroi një numër jashtëzakonisht
të madh të objekteve të reja
që viheshin sërish në shitje, ku shumë prej
tyre ishin dhuratat e marra për Krishtlindje.
Mes dhuratave më pak të dëshiruara
dhe që bëheshin më shpesh ishin çorapet,
këpucët, parfumet, shampot apo kremrat
për trupin dhe objekte për kuzhinën. Në
fakt, në Londër, në ndihmë të atyre që nuk
duan t’i hedhin poshtë dhuratat, vijnë
disa magazina të mëdha angleze, që në
këto ditë të fundit të ndërrimit të viteve
paralajmërojnë që të mos dëmtohet kutia
dhe të ruhet fatura për të pasur një
mundësi të re për një ndërrim të mundshëm.
“Nëse nuk ju pëlqen tosti për thekjen
e bukës, i thoni vjehrrës se është
shumë e bukur dhe se do ta shihni më me
kujdes më vonë”, sugjerojnë ata në
mënyrë që ta çosh pajisjen elektro-shtëpiake
në dyqan si të re dhe të kesh mundësi
për të zgjedhur një tjetër

No.i.d
Legjend
Legjend

Numri i postimeve : 2728
PIKE : 4556
Popullariteti Popullariteti : 82
Data e regjistrimit : 26/06/2010
Mosha : 23

Mbrapsht në krye Shko poshtë

Re: Dhuratat "Si të zgjedhim atë të duhurën"

Mesazh nga No.i.d prej Sat Jul 03, 2010 8:52 am

Si të zgjedhim atë të
duhurën?
duhurën?
Njerëzit që bëjnë më shumë dhurata
janë gratë, ndërsa më pak “bujarët” në
këtë fushë janë meshkujt dhe femrat
beqare. Në të vërtetë, më shumë rëndësi
i jepet sinqeritetit të dhuratës, që mendohet
se është bërë me gjithë zemër, që i
pëlqen atij që e merr dhe që ka një vlerë
afektive dhe simbolike. Po ashtu, janë të
paktë ata që e konsiderojnë dhuratën një
veprim të detyrueshëm, që i kushtojnë
shumë rëndësi faktit për të treguar vlerën
ekonomike të saj. Njerëzit pëlqejnë më
shumë që të marrin një dhuratë që ka për
ta vlerë afektive, e shoqëruar edhe me
ndonjë mesazh të këndshëm. Kështu,
edhe nëse dhurata që burri, i dashuri apo
një i afërm i juaji ju ka bërë, nuk iu pëlqen,
në raste të tilla mund të thuhet “mjafton
mendimi”. Në Francë, i kushtohet rëndësi
edhe elegancës, cilësisë së dhuratës,
thjeshtësisë dhe bukurisë së saj. Në këtë
vend, 12 për qind e të pyeturve e riciklojnë
dhuratën e pakëndshme, 6 për qind e
flakin në plehra, ndërsa vetëm 1 për qind

MESHKUJT
Ajo që është
vërtetuar
plotësisht,
është se ata që
zgjedhin
gjithmonë
dhuratën e
gabuar janë
meshkujt. Të
brendshme,
aksesorë që
nuk kombinohen
lehtë,
çanta, parfume,
rruaza, objekte
për shtëpinë, që
shpesh janë
jashtë shijeve të
femrave

e shesin apo ua tregojnë të afërmve për
t’u “argëtuar” me të. 67 për qind e anglezëve
mbështesin faktin se “është mendimi
ai që ka rëndësi, duke pohuar se i
vlerësojnë dhuratat e bëra me sinqeritet
dhe entuziazëm, kurse në Gjermani mendojnë
se një dhuratë e shtrenjtë nuk është
domosdoshmërisht e suksesshme. Të
njëjtin mendim me gjermanët kanë edhe
suedezët. Por është vërtetuar plotësisht se
ata që zgjedhin gjithmonë dhuratën e
gabuar janë meshkujt. Të brendshme, aksesorë
që nuk kombinohen lehtë, çanta,
parfume, rruaza, objekte për shtëpinë, që
shpesh janë jashtë shijeve të femrave.
Ndoshta kjo është edhe arsyeja që meshkujt
shpesh preferojnë të bëjnë dhurata
shumë të shtrenjta për ta shmangur këtë.
Megjithatë, edhe në raste të tilla, jo gjithnjë
arrijnë t’ia dalin mbanë. Në të vërtetë,
stresi që pothuajse të gjithë kalojnë për të
gjetur dhuratën e duhur për një mik, shok,
të afërm apo njeriun e zemrës në festat e
fundvitit është bërë pre e studimeve të
ndryshme. Ekspertët që shpjegojnë sjelljet
shoqërore, dinë të japin edhe arsyet.
Sipas anketave të bëra në Holandë pas
marrjes në pyetje të shumë çifteve të reja,
rezultati ka qenë ky: Është më e lehtë të
zgjedhësh dhurata për të tjerët, d.m.th. për
një të huaj, se sa për gruan tënde. Një prej
autorëve të studimit thotë se është gabim
të mendosh se “kur njeh dikë, mund të dish
gjithçka për të”. Por, nëse përmes këtyre
anketave është zbuluar diçka, një tjetër
studim i bërë nga gazeta për konsumin në
Universitetin e Çikagos thotë se burrat
duhet të përpiqen t’i kuptojnë më mirë
gratë e tyre, duke i bërë pyetje shumë kohë
më përpara se sa të vendosin që të blejnë
diçka, që asaj mund të mos i pëlqejë. Kjo
është e vetmja zgjidhje që duhet të bëjnë,
nëse nuk mund të kenë luksin e shumë
pasanikëve në Britani, që, për t’i bërë gruas
dhuratën që u pëlqen, marrin në punë
këshilltarë të specializuar, të cilët i paguajnë
më shumë se 200 sterlina në ditë.

RREGULLAT
Sipas
“Debrett’s”,
rregulli i parë
është ai që
kemi dëgjuar
prej kohësh se
ka rëndësi
mendimi dhe jo
dhurata, ndërsa
këshilla e dytë
është se të
shtiresh sikur të
pëlqen dhurata,
nuk lidhet me
hipokrizinë,
përkundrazi një
detyrim që të
gjithë ne duhet
ta bëjmë


No.i.d
Legjend
Legjend

Numri i postimeve : 2728
PIKE : 4556
Popullariteti Popullariteti : 82
Data e regjistrimit : 26/06/2010
Mosha : 23

Mbrapsht në krye Shko poshtë

Re: Dhuratat "Si të zgjedhim atë të duhurën"

Mesazh nga No.i.d prej Sat Jul 03, 2010 8:52 am


No.i.d
Legjend
Legjend

Numri i postimeve : 2728
PIKE : 4556
Popullariteti Popullariteti : 82
Data e regjistrimit : 26/06/2010
Mosha : 23

Mbrapsht në krye Shko poshtë

Re: Dhuratat "Si të zgjedhim atë të duhurën"

Mesazh nga No.i.d prej Sat Jul 03, 2010 8:53 am

Zgjedhja e “urimit” për të kënaqur shijet e tjetrit është një univers më vete
Çfarë duhet të dhuroni për festën e Vitit të Ri

Një ditë na ndan nga festa e
ndërrimit të viteve dhe atmosfera
ka filluar të ndihet sidomos
nëpër dyqane. Dyqanet dhe
markat më të njohura në botë kanë
filluar ofertat e uljeve të çmimeve
që ditën e Krishtlindjeve. Kjo për
arsye se këto festa janë kthyer tashmë
në një ritual të shkëmbimit të
dhuratave. Zakonisht përgatitja e
dhuratave për të gjithë njerëzit e
dashur fillon që në fund të nëntorit,
apo fillim të muajit dhjetor.
Arsyeja është se pikërisht në këtë
kohë fillojnë uljet e çmimeve. Një
arsye tjetër është për të shmangur
radhët e gjata të njerëzve që pushtojnë
dyqanet në ditët në prag të
festave, si dhe për të pasur
mundësinë e zgjedhjes, duke qenë
se pas disa kohësh nuk mbeten
shumë gjëra për t’u zgjedhur. Blerjet
e dhuratave të festave dhe
gjërave që nevojiten duhet të shërbejnë
si kohë për t’u zbavitur e jo
si punë e lodhshme dhe e
detyrueshme. Për këtë arsye, revistat
dhe faqet elektronike në internet
ofrojnë mundësi të
pafundme idesh për dhurata, duke
filluar që nga fëmijët, meshkujt,
femrat, të rinjtë, të moshuarit,
njerëzit me stil unik etj. Gjithashtu,
tashmë ekziston dhe mundësia
e blerjes nëpërmjet internetit,
pa qenë nevoja për t’u munduar
deri në dyqan. Një aspekt tjetër i
rëndësishëm i dhuratave është
fakti se ato duhet të jenë unike në
disa raste. Kështu, dhuratat e këtij
viti për një person të caktuar mund
të jenë diçka krejt ndryshe, një
abonim në revistën e preferuar, një
abonim në palestër, apo qoftë
edhe në një kurs vallëzimi. Për ata

që kanë dobësi të veçantë për ushqimin,
por që nuk u pëlqen dhe aq
të gatuajnë, ekziston sërish abonimi
në një restorant që bën dhe
dërgesa në shtëpi. Biletat për një
udhëtim mbeten gjithnjë një ide
interesante, pavarësisht se është
pak e kushtueshme. Për ata që
s’kanë mundësitë ekonomike për
dhurata të kushtueshme, ka plot
alternativa. Mjafton një kartolinë
e bërë me dorë, apo diçka simbolike
për të transmetuar gëzimin
e festave, të cilat nuk kanë në
qendër vetëm dhuratat.
Përgatiti: Julinda Jemishaj

No.i.d
Legjend
Legjend

Numri i postimeve : 2728
PIKE : 4556
Popullariteti Popullariteti : 82
Data e regjistrimit : 26/06/2010
Mosha : 23

Mbrapsht në krye Shko poshtë

Re: Dhuratat "Si të zgjedhim atë të duhurën"

Mesazh nga No.i.d prej Sat Jul 03, 2010 8:53 am

Dhuratat
Për femra
Para se të bëni një dhuratë për Vitin e Ri për një
femër duhet të keni parasysh:
1. Vëzhgoni me kujdes mënyrën si vishet. Vëzhgoni
ngjyrat që përdor më shpesh në veshje, si dhe stilin e
rrobave. Gjithashtu sigurohuni që të mos i blini diçka
që e ka, si dhe kini kujdes me masën.
2. Mbani parasysh interesat dhe gjërat që i pëlqen të
bëjë. Nëse ajo është e pasionuar
pas luleve, atëherë dhurata duhet
të ketë lidhje me to. Disa fara
lulesh të rralla do të bënin mjaft
punë. Por mos i dhuroni diçka që
nuk i pëlqen. Nëse nuk i pëlqen
të gatuajë, gabimi më i madh që
mund të bëni është t’i dhuroni
një libër gatimi.
3. Vëzhgoni me kujdes shijen e
saj në dekorimin e shtëpisë. Në
këtë mënyrë ju mund t’i dhuroni
objekte, që shërbejnë për dekorim
dhe që u përshtaten më
së miri dëshirave të saj. Qirinj
aromatikë, vazo me ngjyra apo
një pikturë për në mur. E rëndësishme
është t’u kushtoni vëmendje
ngjyrave që dominojnë në shtëpi
dhe stilin që i përshtatet asaj.
4. Ndër dhuratat që femrave u pëlqejnë më shumë janë
ato dhurata të krijuara enkas për to. Këtu mund të përfshihet
një kartolinë e punuar në mënyrë artizanale, apo
dhe një bluzë me emrin e saj shkruar në të.
5. Bizhuteritë klasifikohen në dhuratat që janë të sigurta.
Rrallë ekzistojnë femra që s’u pëlqejnë bizhuteritë. Këtu
përfshihen bizhuteritë më të thjeshta, deri tek ato me

No.i.d
Legjend
Legjend

Numri i postimeve : 2728
PIKE : 4556
Popullariteti Popullariteti : 82
Data e regjistrimit : 26/06/2010
Mosha : 23

Mbrapsht në krye Shko poshtë

Re: Dhuratat "Si të zgjedhim atë të duhurën"

Mesazh nga No.i.d prej Sat Jul 03, 2010 8:53 am

Dhuratat
Për meshkuj
Kur bëni dhurata për meshkujt, është e rëndësishme
të jeni të informuar për interesat e tij
dhe sportet e preferuara.
1. Nëse ai është i pasionuar pas sporteve, atëherë bëni
mirë t’i blini diçka që ka të bëjë me skuadrën e tij të
preferuar, për çdo lloj sporti që të bëhet fjalë. Mund t’i
blini një bluzë futbolli të ngjashme me atë të skuadrës së
tij të zemrës, apo një biletë për një ndeshje.
2. Nëse atij i pëlqen peshkimi,
atëherë keni plot zgjedhje. Mund
të zgjidhni një kapele peshkatari,
grep, sinjalizues peshqish, komplet
thikash, fener, etj. E njëjta
vlen dhe për ata të cilëve u pëlqen
gjuetia. Dhuratat për këtë kategori
variojnë nga ato me çmimet më
të lira e deri te më të shtrenjtat.
3. Nëse personi që ju doni t’i bëni
një dhuratë të këndshme për Vitin
e Ri është i dhënë pas motorëve,
atëherë sërish keni plot zgjedhje.
Këtu përfshihen xhaketat e lëkurës,
çizme motoristësh, një skafandër e
re e plot aksesorë të tjerë, që mund
të shërbejnë për zbukurimin e motorit.
4. Nëse nuk vendosni dot se çfarë dhurate të bëni, atëherë
zgjidhni një set të gatshëm, ku të përfshihen disa dhurata
të natyrave të ndryshme. Aty mund të jetë një parfum,
një furçë dhëmbësh dhe një shishe verë e kuqe.
5. Mbi të gjitha, mbani parasysh se pothuajse të gjithë
meshkujt i adhurojnë gjërat që kanë lidhje me teknologjinë.
Një “DVD player” portativ do të ishte padyshim një dhuratë
e lakmueshme. Gjithashtu dhe një aparat fotografik
dixhital kundër ujit.

No.i.d
Legjend
Legjend

Numri i postimeve : 2728
PIKE : 4556
Popullariteti Popullariteti : 82
Data e regjistrimit : 26/06/2010
Mosha : 23

Mbrapsht në krye Shko poshtë

Re: Dhuratat "Si të zgjedhim atë të duhurën"

Mesazh nga No.i.d prej Sat Jul 03, 2010 8:53 am

Hajde na thoni dicka interesante rreth dhuratave te cilat ju kan dhuruar dhe ju kan dhuruar, per kete vit dhe vitet e shkaura duke u bazuar tek materjali i mesiperm .

Per mua kete vit dhurata me e bukur qe me pelqeu shum ishte nje akuarium peshqish me 2 peshq te vegjel shum te bukur & te shtrenjte .
Ndersa dhuratat e dhuruara na un per njerezit kan qen disa panorama te bera fotomontazh nga un, kete e them me plot goj mbrreselenese sepse :
-Tek 1 person qe i kam ber fotomontazhin dhe ia kam ber ne panoram me pas ia kam dhuruar kam mar komplimentin, oh shum flm shume bukur te lumshin duart dhe men'dt, por mbi te gjitha cdi kush qe shkon atje e ven re ate dhurat dhe te nesmen me thote wa sa e bukur ajo fotoja qe i kishe ber X personi

No.i.d
Legjend
Legjend

Numri i postimeve : 2728
PIKE : 4556
Popullariteti Popullariteti : 82
Data e regjistrimit : 26/06/2010
Mosha : 23

Mbrapsht në krye Shko poshtë

Re: Dhuratat "Si të zgjedhim atë të duhurën"

Mesazh nga No.i.d prej Sat Jul 03, 2010 8:54 am

Dhurata me e bukur qe mund ti besh dikujt eshte buzeqeshja me zemer ...Une jam kunder dhuratave,,, sendeve me apo pa vlere.


No.i.d
Legjend
Legjend

Numri i postimeve : 2728
PIKE : 4556
Popullariteti Popullariteti : 82
Data e regjistrimit : 26/06/2010
Mosha : 23

Mbrapsht në krye Shko poshtë

Re: Dhuratat "Si të zgjedhim atë të duhurën"

Mesazh nga Sponsored content Today at 11:36 am


Sponsored content


Mbrapsht në krye Shko poshtë

Shiko temën e mëparshme Shiko temën pasuese Mbrapsht në krye


 
Drejtat e ktij Forumit:
Ju nuk mund ti përgjigjeni temave të këtij forumi