Filmi turk fiton në Berlinale

Filmi turk fiton në Berlinale

Të shtunën mbrëma janë ndarë çmimet kryesore të edicionit të 60-të të festivalit të filmit- Berlinale.
Në ceremoninë e mbajtur në Berlin, “Ariu i artë” për filmin me të mirë i takoi filmit bashkëproduksion turko-gjerman, "Bal" (“Mjaltë”), i regjisorit Semih Kaplanoglu, i cili rrëfen një fëmijëri nga Anadolli.
Çmimin e madh të jurisë e fitoi koproduksioni rumuno-suedez, "Nëse dua të fishkëllej, unë fishkëllej" i cili rrëfen jetën e një të riu në një shtëpi korrektimi.
Roman Polanski ka fituar Ariun e Argjendtë për regjisorin më të mirë, për melodramën e tij të re, “The Ghost Writer”.
Si aktorja më e mirë me Ariun e argjendtë u nderua japonezja Shinobu Terajima, për rolin e saj në filmin dramatik "Caterpillar". /