Futboll në televizorët Sony Bravia

Në pjesën më të madhe të Evropës në fund të këtij muaji kompania Sony fillon me emetimin e një programi të veçantë nëpërmes internetit, i cili do të mundësohet drejtpërdrejt në televizorët e saj Bravia.
Sony informon pronarët e televizorëve të rinj Bravia dhe playerëve Blu-ray me mundësi të qasjes në internet për mundësinë e shikimit të përmbajtjeve të veçanta të cilat do të paraqiten së shpejti. Me anë të shërbimit “Bravia Internet Platform” në fund të këtij muaji kompania me anë të metodës streaming do të filloj të emetoj përmbajtje të veçanta që lidhen me historinë e Kampionatit Botërorë të Futbollit.
e pajisjeve adekuate drejtpërdrejt nga televizorët e tyre do të mund t’i qasen një kanali të veçantë televiziv i cili do të ofrojë momentet më të rëndësishme të kampionateve të mëhershme, 14 filmave zyrtarë në mes të viteve 1930 e 2002, tregime të ndryshme, legjenda dhe fakte historike për kampionatin, aksionet më të rëndësishme, informata mbi lojtarët dhe përmbajtje të ngjashme. Programi nëpërmes shërbimit në fjalë Sony e shpërndanë në bashkëpunim me FIFA-s si një lloj “nxehjeje” për kampionatin i cili këtë vit mbahet në Republikën e Afrikës Jugore.

Ky program sportiv i emëruar “Bravia Internet Video” fillon në fund të majit në Evropë, fillimisht në anglisht, derisa së shpejti do të duhej të paraqiteshin edhe versionet e sinkronizuara në frëngjisht, gjermanisht, italisht e spanjisht. Fillimisht programi do të jetë i qasshëm në Austri, Belgjikë, Bullgari, Çeki, Finlandë, Francë, Gjermani, Hungari, Holandë, Norvegji, Poloni, Rumani, Rusi, Sllovaki, Spanjë, Suedi, Zvicër dhe Britani të Madhe.

Kompania paralajmëron mundësinë që diç më vonë ky program do të mundësohet edhe në shtete tjera evropiane, por nuk precizon se për cilat shtete bëhet fjalë.