iPad me vlerë prej 189.000 dollarësh

Stuart Hughes, i njohur për prarimin dhe dekorimin e pajisjeve me diamante dhe gurë tjerë të çmuar, tani e ka futur në dorë edhe kompjuterin tablet iPad të kompanisë Apple.
Punimet veçanërisht të njohura të Hughes janë versionet e celularëve të punuar nga ai, të cilët arrijnë çmime të paparamenduara. Pasi që ka përpunuar disa super versione të iPhone, Hughes ka vendosur të përpunojë edhe pajisjen iPad.

Pjesën e pasme të kompjuterit tablet, e cila përndryshe punohet nga alumini, e ka zëvendësuar me atë të veten prej 22 karatëve prej ari si dhe logon e prodhuesit e ka formësuar me 53 diamante. Rezultati i fundit i arritur është një kompjuter tablet i cili kushton as më pak e as më shumë se 189.000 dollarë amerikanë.