Shkak per semundjet e lekures - "Stresi"

tresi mund të shkaktojë sëmundje inflamatore të epidermës dhe të dobësojë qelizat imunitare. Të paktën ky është konkluzioni i një studimi të kryer nga shkencëtarët e Universitetit të Mjekësisë në Berlin dhe Universitetit kanadez të McMaster ..

Lëkura është niveli i parë mbrojtës që organizmi ka ndaj infeksioneve. Kjo barrierë është e gjitha fizike, por që ndonjëherë mund të ketë efekt irritant: nëse qelizat imunitare të lëkurës janë reaktive, mund të shkaktojnë sëmundje inflamatore të lëkurës, si p.sh. dermatit atopik apo psoriazis.

Sipas shkencëtarëve, është stresi ai që “ndez” infeksionet dhe shton shkallën e problemit. Mesa duket stresi rrit

aktivitetin e qelizave imunitare, gjë që çon në
shfaqjen e infeksioneve, në vend që ta mbrojë lëkurën.

Studimi është bazuar në një eksperiment të kryer te disa minj, të cilët iu nënshtruan një tingulli stresant, gjë që ka çuar në shtimin e rritjes së numrit të qelizave të bardha në lëkurë. Më pas shkencëtarët kanë ndërprerë funksionin e qelizave imunitare të dy proteinave të veçanta, dhe kanë arritur të pengojnë rritjen e numrit të qelizave të bardha në lëkurë, gjë që shkaktohej prej stresit.

Uji Kunder Rrudhave..!
Një studim i ri ka treguar se uji rrit qarkullimin e gjakut në lëkurë. Përveç ujit përmenden edhe vitamina C dhe estrogjeni si faktorë të cilët pengojnë tharjen e
lëkurës dhe ngadalësojnë plakjen e saj. Megjithatë ende nuk ekzistojnë fakte shkencore për ndikimin e këtyre dy të fundit. Konsumimi adekuat i ujit është shumë i rëndësishëm për shëndetin e përgjithshëm, ndërsa studimet e reja tregojnë pozitivitetin e ujit në ngadalësimin e paraqitjes së rrudhave. Dihet se për shkak të dehidrimit, në lëkurë përforcohet paraqitja e rrudhave, ndërsa me konsumimin adekuat të ujit pengohet dehidrimi dhe në këtë mënyrë ngadalësohet shfaqja e rrudhave. Lëkura mund të mbrohet nga rrudhat edhe duke përdorur faktorë mbrojtës gjatë daljes në diell, me mospirje të duhanit dhe me ushqim te shëndetshëm.