NASA: Sonda Phoenix ka incizuar se si bie bore ne Mars

Sonda Phoenix ka incizuar se si bie borë nga një re lart mbi sipërfaqen e Marsit, ka njoftuar NASA. Mirëpo, instrumentet e Phoenix kanë treguar se si bora është avulluar para se të binte në sipërfaqe.

“Asnjëherë më parë nuk është vërejtur një gjë e tillë në Mars. Vazhdojmë të hulumtojmë nëse bora megjithatë ka rënë në sipërfaqe”, ka thënë Jim Whiteway nga universiteti York në Toronto i cili ka udhëhequr hulumtimin.

Në të njëjtën kohë në Mars është gjetur karbonat kalciumi, përmbajtja kryesore e shkumësit e ndoshta edhe argjilës. Të dy këto gjëra krijohen vetëm në prani të ujit, derisa më herët Phoenix ka vërtetuar se në Mars ka pasur akull.