Shfletuesit Internet Explorer 6 i del afati

Kompania Microsoft u ka bërë apele të shumta përdoruesve të cilët shfrytëzojnë versionin 6 të shfletuesit të saj Internet Explorer që menjëherë ta përditësojnë në ndonjë prej versioneve më të reja.
Internet Explorer 6 është paraqitur në vitin 2001 dhe atëbotë ofronte opsione të shkëlqyeshme të sigurisë. Megjithatë, interneti ka evoluar, janë paraqitur kërcënime të reja e shumë më të sofistikuara për karakteristikat e vjetruara të Internet Explorer 6.

Microsoft planifikon që tërësisht të shkyçë mbështetjen për këtë shfletues të vjetruar, por problem paraqet fakti se ende janë rreth 17.6% përdorues të cilët e shfrytëzojnë këtë shfletues e Microsoft nuk ka shumë mënyra për t’i shtyrë ata të kalojnë në ndonjërin prej versioneve të reja të saj.