Deklarata e Pavarësisë së Kosovës lexuar në parlament &Njohjet e konfirmuara nga MPJ

Deklarata e Pavarësisë së Kosovës lexuar në parlament &Njohjet e konfirmuara nga MPJ
Deklarata e Pavarësisë së Kosovës lexuar në parlament &Njohjet e konfirmuara nga MPJ
Në këtë faqe paraqiten reagimet ndërkombëtare pas shpalljes së pavarësisë së Kosovës.

Bashkimi Evropian deklaroi se njohja e Pavarësisë së Kosovës varet nga shtetet në veçanti, pra, shtetet do të vendosin individualisht rreth pranimit të Kosovës si shtet. Në këtë rast shumica e shteteve u deklaruan se janë të interesuara për njohjen e Republikës së Kosovës, por disa shtete si Rumania, Sllovakia, Spanja e Qiproja vendosën të mos e njohin Kosovën si shtet për një të ardhme të afërt.

Nga 5 shtetet, anëtare të përhershme të Këshillit të Sigurimit, SHBA, Britania e Madhe dhe Franca, njohën pavarësinë e Kosovës, ndërsa Rusia e kundërshton haptazi, dhe Kina qëndron në pozicion të paqartë, që më shumë ka gjasa se do të abstenojë.

Qeveria e Serbisë si reagim kundër shteteve që kanë njohur Republikën e Kosovës ka thirrur në konsultime ambasadorët e vet nga shtetet që e kanë njohur pavarësinë e Kosovës.

Ja edhe Lista e Shteteve qe e Kane Njohur Pavarsine E Kosoves:

Muchas gracias!!! Costa Rica (February 17, 2008)
Thank you very much!!! United States (February 18, 2008)
Merci beaucoup!!! France (EU) (February 18, 2008)
Tashakkur! Merci!!! Afghanistan(February 18, 2008)
Faleminderit shumë!!! Albania (February 18, 2008)
Çok tesekkür ederim!!! Turkey (February 18, 2008)
Thank you very much!!! United Kingdom (EU) (February 18, 2008)
Thank you very much!!! Australia (February 19, 2008)
Merci! Jërëjëf!!! Senegal (February 19, 2008)
Dankeschön!!! Germany (EU) (February 20, 2008)
Liels paldies!!! Latvia (EU) (February 20, 2008)
Mange tak!!! Denmark (EU) (February 21, 2008)
Tänan!!! Estonia (EU) (February 21, 2008)
Grazie Mille!!! Italy (EU) (February 21, 2008)
Merci! Danke!!! Luxembourg (EU) (February 21, 2008)
Muchas gracias!!! Peru (February 22, 2008)
Dank u! Merci! !!! Belgium (EU) (February 24, 2008)
Dziekujemy!!! Poland (EU) (February 26, 2008)
Danke! Merci! Grazie! Grazia figt!!!! Switzerland (February 27, 2008)Dankeschön!!! Austria (EU) (February 27, 2008)
Go raibh maith agat! Thank You!!! Ireland (EU) (February 29, 2008)
Tack så mycket!!! Sweden (EU) (March 4, 2008)
Dank u wel!!! Netherlands (EU) (March 4, 2008)
Takk fyrir!!! Iceland (March 5, 2008)
Hvala lepa!!! Slovenia (EU) (March 5, 2008)
Kiitos! Tack!!! Finland (EU) (March 7, 2008)
どうも有り難うございます!!! Japan (March 18, 2008)
Thank You! Merci!!! Canada (March 18, 2008)
Merci beaucoup!!! Monaco (March 19, 2008)
Nagyon köszönjük!!! Hungary (EU) (March 19, 2008)
Hvala lijepa!!! Croatia (March 19, 2008)
Много Благодаря!!! Bulgaria (EU) (March 20, 2008)
Dankeschön!!! Liechtenstein (March 25, 2008)
국민들에계 고맙습니다!!! Korea, Rep. (March 28, 2008)
Tusen takk!!! Norway (March 28, 2008)
Kommol tata!!! Thank You!!! Marshall Islands (April 17, 2008)
Itûba!!! Nauru (April 23, 2008)
Merci beaucoup!!! Burkina Faso(April 24, 2008)
Labai ačiū!!! Lithuania (EU) (May 6, 2008)
Grazie Mille!!! San Marino (May 11, 2008)
Děkujeme vám!!! Czech Republic (EU) (May 21, 2008)
Thank you very much!!! Liberia
Tenki ya!!! Thank you very much!!! Sierra Leone(June 13, 2008)
Muchas gracias!!! Colombia (August 6, 2008)
Thank you very much!!!Belize (August 7, 2008)
Grazzi hafna!, Thank you very much!!!Malta (EU) (August 21, 2008)
Fa'afetai tele! Thank You!!!Samoa(September 15, 2008)
Muito obrigado!!!Portugal (EU) (October 7, 2008)
Mnogo Hvala! Faleminderit shumë!!!Montenegro (October 9, 2008)
Многу Ви благодариме!!! Faleminderit shumë!!!Macedonia (October 9, 2008)
!!!شكراً جزيلاً United Arab Emirate (October 14, 2008)
erima kasih!!!Malaysia (October 30, 2008)
Thank you very much! Kili so chapur! Kelangan! Kulo maluhlap! Kam magar!!!Micronesia, Fed. Sts. (December 5, 2008)
Muchas gracias!!!Panama (January 16, 2009)
Varah bodah shukriyyaa!!!Maldives (February 19, 2009)
Thank You! Sulang! Haparu ma hatawahi!!!!Palau (March 6, 2009)
Thank you very much!!! Gambia, The(April 7, 2009)

Fakte dhe statistika të njohjes së Republikës së Kosovës

Është njohur nga 42 (nga gjithsej 192) shtete anëtare të OKB-së, apo nga 21.88% e tyre.
Është njohur nga 3 (nga gjithsej 5) shtete anëtare të përhershme të KS të OKB-së, apo nga 60% e tyre.
Është njohur nga 5 (nga gjithsej 10) shtete anëtare të përkohshme të KS të OKB-së, apo nga 50% e tyre.
Është njohur nga 20 (nga gjithsej 27) shtete të Bashkimit Evropian, apo nga 74.07% e tyre.
Është njohur nga 21 (nga gjithsej 26) shtete të NATO-s, apo nga 80.77% e tyre.
Është njohur nga 31 (nga gjithsej 56) shtete të OSBE-s, apo nga 55.36% e tyre.
Është njohur nga 29 (nga gjithsej 47) shtete të Këshillit të Evropës, apo nga 61.7% e tyre.
Është njohur nga 5 (nga gjithsej 57) shtete të Konferencës Islamike, apo nga 8.77% e tyre.
Është njohur nga të gjitha vendet e G7.
Shtetet që e kanë njohur deri më tani Kosovën përbëjnë 69.48% të GDP-së botërore.

Shtetet që kundërshtojnë vendosmërisht njohjen e Republikës së Kosovës

Rusia
Serbia
Sllovakia
Argjentina
Spanja
Rumania
Azerbajxhani
Bosnja dhe Hercegovina
Bjellorusia
Qipro
Gjeorgjia
Kazakistani
Moldavia
Sri Lanka
Vietnami

Me te Kaltert Shtet qe e Kane Njohur Kosoven , Shtetet qe E Kundeshtojne Pavaresine e Kosoves me te Potokallet te Mbyllt

Deklarata e Pavarësisë së Kosovës e lexuar ne parlament

17-02-2008


Të mbledhur në mbledhje të jashtëzakonshme më 17 shkurt 2008, në kryeqytetin e Kosovës, në Prishtinë,

Duke iu përgjigjur thirrjes së popullit për të ndërtuar një shoqëri që respekton dinjitetin njerëzor dhe afirmon krenarinë dhe synimet e qytetarëve të saj,

Të zotuar për t’u përballur më trashëgiminë e dhembshme të së kaluarës së afërt në frymë të pajtimit dhe faljes,

Të përkushtuar ndaj mbrojtjes, promovimit dhe respektimit të diversitetit të popullit tonë,

Duke riafirmuar dëshirën tonë për t’u integruar plotësisht në familjen euroatlantike të demokracive,

Duke vërejtur se Kosova është një rast special që del nga shpërbërja jokonsensuale e Jugosllavisë dhe nuk është presedan për cilëndo situatë tjetër,

Duke rikujtuar vitet e konfliktit dhe dhunës në Kosovë që shqetësuan ndërgjegjen e të gjithë popujve të civilizuar,

Mirënjohës që bota intervenoi më 1999 duke hequr në këtë mënyrë qeverisjen e Beogradit mbi Kosovën, dhe vendosur Kosovën nën administrimin e përkohshëm të Kombeve të Bashkuara,

Krenarë që Kosova që atëherë ka zhvilluar institucione funksionale, multietnike të demokracisë që shprehin lirisht vullnetin e qytetarëve tanë,

Duke rikujtuar vitet e negociatave të sponsorizuara ndërkombëtarisht ndërmjet Beogradit dhe Prishtinës mbi çështjen e statusit tonë të ardhshëm politik,

Duke shprehur keqardhje që nuk u arrit asnjë rezultat i pranueshëm për të dyja palët përkundër angazhimit të mirëfilltë të udhëheqësve tanë,

Duke konfirmuar se rekomandimet e të Dërguarit Special të Kombeve të Bashkuara, Martti Ahtisaari, i ofrojnë Kosovës një kornizë gjithëpërfshirëse për zhvillimin e saj të ardhshëm, dhe janë në vijë me standardet më të larta europiane për të drejtat të njeriut dhe qeverisjen e mirë,

Të vendosur që ta shohim statusin tonë të zgjidhur në mënyrë që t’i jipet popullit tonë qartësi mbi të ardhmen e vet, të shkohet përtej konflikteve të së kaluarës dhe të realizohet potenciali i plotë demokratik i shoqërisë sonë,

Duke nderuar të gjithë burrat dhe gratë që bënë sakrifica të mëdha për të ndërtuar një të ardhme më të mirë për Kosovën,

1. Ne, udhëheqësit e popullit tonë, të zgjedhur në mënyrë demokratike, nëpërmjet kësaj Deklarate shpallim Kosovën shtet të pavarur dhe sovran. Kjo shpallje pasqyron vullnetin e popullit tonë dhe është në pajtueshmëri të plotë me rekomandimet e të Dërguarit Special të Kombeve të Bashkuara, Martti Ahtisaari, dhe Propozimin e tij Gjithëpërfshirës për Zgjidhjen e Statusit të Kosovës.

2. Ne shpallim Kosovën një republikë demokratike, laike dhe multietnike, të udhëhequr nga parimet e jodiskriminimit dhe mbrojtes së barabartë sipas ligjit. Ne do të mbrojmë dhe promovojmë të drejtat e të gjitha komuniteteve në Kosovë dhe krijojmë kushtet e nevojshme për pjesëmarrjen e tyre efektive në proceset politike dhe vendimmarrëse.

3. Ne pranojmë plotësisht obligimet për Kosovën të përmbajtura në Planin e Ahtisarit, dhe mirëpresim kornizën që ai propozon për të udhëhequr Kosovën në vitet në vijim. Ne do të zbatojmë plotësisht ato obligime, përfshirë miratimin prioritar të legjislacionit të përfshirë në Aneksin XII të tij, veçanërisht atë që mbron dhe promovon të drejtat e komuniteteve dhe pjesëtarëve të tyre.

4. Ne do të miratojmë sa më shpejt që të jetë e mundshme një kushtetutë që mishëron zotimin tonë për të respektuar të drejtat e njeriut dhe liritë themelore të të gjithë qytetarëve tanë, posaçërisht ashtu siç definohen me Konventën Europiane për të Drejtat e Njeriut. Kushtetuta do të inkorporojë të gjitha parimet relevante të Planit të Ahtisaarit dhe do të miratohet nëpërmjet një procesi demokratik dhe të kujdesshëm.

5. Ne mirëpresim mbështetjen e vazhdueshme të bashkësisë ndërkombëtare për zhvillimin tonë demokratik nëpërmjet të pranive ndërkombëtare të themeluara në Kosovë në bazë të Rezolutës 1244 të Këshillit të Sigurimit të Kombeve të Bashkuara (1999). Ne ftojmë dhe mirëpresim një prani ndërkombëtare civile për të mbikëqyrur zbatimin e Planit të Ahtisaarit dhe një mision të sundimit të ligjit të udhëhequr nga Bashkimi Europian. Ne, po ashtu, ftojmë dhe mirëpresim NATO-n që të mbajë rolin udhëheqës në praninë ndërkombëtare ushtarake dhe të zbatojë përgjegjësitë që i janë dhënë sipas Rezolutës 1244 të Këshillit të Sigurimit të Kombeve të Bashkuara (1999) dhe Planit të Ahtisaarit, deri në atë kohë kur institucionet e Kosovës do të jenë në gjendje të marrin këto përgjegjësi. Ne do të bashkëpunojmë plotësisht më këto prani në Kosovë për të siguruar paqen, prosperitetin dhe stabilitetin në të ardhmen në Kosovë.

6. Për arsye të kulturës, gjeografisë dhe historisë, ne besojmë se e ardhmja jonë është në familjen europiane. Për këtë arsye, ne shpallim synimin tonë për të marrë të gjitha hapat e nevojshëm për të siguruar anëtarësim të plotë në Bashkimin Europian sapo që të jetë e mundshme dhe për të zbatuar reformat e kërkuara për integrim europian dhe euroatlantik.

7. Ne i shprehim mirënjohje Organizatës së Kombeve të Bashkuara për punën që ka bërë për të na ndihmuar në rimëkëmbjen dhe rindërtimin pas lufte dhe ndërtimin e institucioneve të demokracisë. Ne jemi të përkushtuar të punojmë në mënyrë konstruktive me Organizatën e Kombeve të Bashkuara gjersa ajo vazhdon punën e saj në periudhën në vijim.

8. Me pavarësinë vie detyra e anëtarësisë së përgjegjshme në bashkësinë ndërkombëtare. Ne e pranojmë plotësisht këtë detyrë dhe do t’i përmbahemi parimeve të Kartës së Kombeve të Bashkuara, Aktin Final të Helsinkit, akteve tjera të Organizatës për Siguri dhe Bashkëpunim në Europë, obligimeve ligjore ndërkombëtare dhe parimeve të marrëdhënieve të mira ndërkombëtare që shënojnë marrëdhëniet ndërmjet shteteve. Kosova do të ketë kufijtë e saj ndërkombëtarë ashtu siç janë paraparë në Aneksin VIII të Planit të Ahtisaarit, dhe do të respektojë plotësisht sovranitetin dhe integritetin territorial të të gjithë fqinjve tanë. Kosova, po ashtu, do të përmbahet nga kërcënimi apo përdorimi i forcës në cilëndo mënyrë që është jokonsistente me qëllimet e Kombeve të Bashkuara.

9. Ne, nëpërmjet kësaj Deklarate, marrim obligimet ndërkombëtare të Kosovës, përfshirë ato të arritura në emrin tonë nga Misioni i Administratës së Përkohshme të Kombeve të Bashkuara në Kosovë (UNMIK), si dhe obligimet e traktateve dhe obligimet tjera të ish-Republikës Socialiste Federative të Jugosllavisë ndaj të cilave obligohemi si ish-pjesë konstituive, përfshirë konventat e Vjenës për marrëdhëniet diplomatike dhe konsullore. Ne do të bashkëpunojmë plotësisht me Tribunalin Penal Ndërkombëtar për ish-Jugosllavinë. Ne synojmë të kërkojmë anëtarësim në organizatat ndërkombëtare, në të cilat Kosova do të synojë të kontribuojë për qëllime të paqes dhe stabilitetit ndërkombëtar.

10. Kosova shpall zotimin e saj ndaj paqes dhe stabilitetit në rajonin tonë të Europës Juglindore. Pavarësia jonë e sjell në fund procesin e shpërbërjes së dhunshme të Jugosllavisë. Gjersa ky proces ka qenë i dhembshëm, ne do të punojmë pa pushim për t’i kontribuar një pajtimi që do të lejonte Europën Juglindore të shkojë përtej konflikteve të së kaluarës dhe të farkojë lidhje të reja rajonale të bashkëpunimit. Për këtë arsye, do të punojmë së bashku me fqinjtë tanë për të avansuar të ardhmen tonë të përbashkët europiane.

11. Ne shprehim, në veçanti, dëshirën tonë për të vendosur marrëdhënie të mira me të gjithë fqinjtë tanë, përfshirë Republikën e Serbisë, me të cilën kemi marrëdhënie historike, tregtare dhe shoqërore, të cilat synojmë t’i zhvillojmë më tej në të ardhmen e afërt. Ne do të vazhdojmë përpjekjet tona për t’i kontribuar marrëdhënieve të fqinjësisë dhe bashkëpunimit me Republikën e Serbisë duke promovuar pajtimin ndërmjet popujve tanë.

12. Ne, nëpërmjet kësaj, afirmojmë në mënyrë të qartë, specifike dhe të parevokueshme se Kosova do të jetë ligjërisht e obliguar të plotësojë dispozitatat e përmbajtura në këtë Deklaratë, përshirë këtu veçanërisht obligimet e saj nga Plani i Ahtisaarit. Në të gjitha këto çështje, ne do të veprojmë në pajtueshmëri në parimet e së drejtës ndërkombëtare dhe rezolutat e Këshillit të Sigurimit të Kombeve të Bashkuara, përfshirë Rezolutën 1244 (1999). Ne shpallim publikisht se të gjitha shtetet kanë të drejtën të mbështeten në këtë Deklaratë, dhe i bëjmë apel të na ofrojnë përkrahjen dhe mbështetjen e tyre.

United States
United Kingdom
Germany
France
Italy
Albania
Afghanistan
Australia
Costa Rica
Latvia
Luxemburg
Peru
Senegal
Turkey
Denmark
Estonia
Poland
Switzerland
Austria
Belgium
Ireland
Sweden
Netherland
Iceland
Slovenia
Finland
Japan
Canada
Monaco
Croatia
Hungary
Bulgaria
South Korea
Norway
Lichtenstein
Marshall Islands
Nauru
Burkina Faso
Lithuania
San Marino
Czech Republic
Liberia
Siera Leone
Belize
Columbia
Malta
Samoa
Portugalia
Montenegro
Macedonia
United Arab Emirates
Malaysia
Micronesia
Panama
Maldives
Palau
Gambia

Gambia njeh pavarësinë e Kosovës

Në një takim të veçantë dhe mjaft të frytshëm që ministri Hyseni pati më 26 mars me ambasadoren e Republikës së Gambias në OKB, znj. Susan Waffa-Ogoo, ajo kishte paralajmëruar dhe premtuar njohjen e shpejtë të pavarësisë së Kosovës nga qeveria e vendit të saj. Ky premtim është realizuar dhe Republika e Gambias e ka njohur pavarësinë e Kosovës. Vendimi për njohjen e pavarësisë së Kosovës i është i bërë i ditur sot, ambasadës së Kosovës në Uashington, nga ambasada e Gambias po në Uashington.
Republika e Gambias është shteti i 57 që e ka njohur Kosovën.
Gambia ndodhet në pjesën më perëndimore të Afrikës. Përpos daljes në Oqeanin Atlantik, Gambia është e kufizuar me Senegalin, njofton Zyra për informim pranë MPJ të Republikës së Kosovës. /RTK/

Behgjet Pacolli: Komoret njohin Kosovën

Behgjet Pacolli thotë se është njoftuar që Unioni i Komoreve ka njohur pavarësinë e Kosovës. Pacolli thotë se njohja pritet t'i konfirmohet edhe Ministrisë së Punëve të Jashtme të Kosovës.

Unioni i Komoreve ka vendosur ta njoh pavarësinë e Kosovës. Kështu i ka thënë gazetës lideri i AKR’së Behgjet Pacolli duke theksuar se atij i është konfirmuar njohja ndërkohë që pritet që njoftimi t’i shkojë edhe Ministrisë së Punëve të Jashtme të Kosovës.

“Republika e Komores praktikisht ka marrë vendim që ta njohë pavarësinë e Kosovës. Më vonë do të njoftohet edhe Ministria e Jashtme e Kosovës por është definitive që Republika e Komores na njeh” ka thënë Pacolli.

Pacolli thotë se njohja nga Komoret është rezultat direkt i punës së tij me autoritet e atjeshme. “Ky është edhe rezultat i vizitës time në Ligën Arabe dhe gjatë qëndrimit në Doha. Kjo është vendosur kur do të vijë njoftimi në Ministri nuk e di. A do të ndodhë nesër apo pas disa ditësh nuk e di”

Pacolli ka thënë se ka takuar zyrtarë të lartë të këtij vendi gjatë qëndrimit në Doha para disa ditësh por pohon të ketë vizituar këtë shtet dy herë tjera.

“Kjo është rezultat i punës sime 100 përqind këta të Ministrisë dyshoj se as kërkesë nuk i kanë bërë për njohje” ka thënë ai. Unioni i Komoreve ndodhet në brigjet lindore të Afrikës në Oqeanin Indian. (Kospress)

Arabia Saudite njeh pavarësinë e Kosovës
Burime të mirinformuara bëjnë të ditur se Arabia Saudite ka vendosur ta njohë pavarësinë Kosovës, bën të ditur televizioni publik i vendit RTK.

Kjo është një njohje më rëndësi të jashtëzakonshme, duke qenë se vjen nga një prej shteteve kryesore të botës islame.

Njohja nga Arabia Saudite shpie numrin e njohjeve në 58-të.

“Në përputhje me lidhjet religjioze dhe kulturore me popullin e Kosovës, dhe në shenjë respekti për vullnetin e popullit të Kosovës për ta fituar pavarësinë, Mbretëria e Arabisë Saudite njofton për njohjen e Republikës së Kosovës dhe shpreson që ky zhvillim do të kontribuojë pozitivisht në përmirësimin e sigurisë dhe stabilitetit në Kosovë si dhe vendeve të saj fqinje”, thuhet në njoftimin e Ministrisë së Punëve të Jashtme të Arabisë Saudite.

Burimet flasin se publikimi zyrtar i njohjes së pavarësisë së Kosovës nga ana e Arabisë Saudite do të mund të ndodh në orët e pasdites.

Gjatë ditës pritet edhe konfirmimi formal- zyrtar, nga Ministria e Punëve të Jashtme të Republikës së Kosovës. /RTK/Telegrafi/

Pacolli sjell dokumentin për njohjen e pavarësisë së Kosovës nga Ishujt Komore


Kryetari i Aleancës Kosova e Re, Behxhet Pacolli ka sjellë dokumentin zyrtar të njohjes së pavarësisë së Kosovës nga ana e Ishujve Komore, për të cilën ka thënë se është një njohje pas një fushate lobuese të tij në këtë vend jugo-afrikan. Pacolli ka njoftuar edhe më herët për njohjen e Kosovës nga Ishujt Komore, ndërkaq kjo ende nuk është konfirmuar nga Ministria e Jashtme e Republikës së Kosovës.
Pacolli ka paralajmëruar fushatë lobuese të mëtejme, ndërkaq ka njoftuar se së fundi ka zhvilluar takime në Lesoto, në Afrikën e Jugut, Keni, në Tanzani dhe në vende të tjera.

Ditë më parë zëdhënësi i AKR-së, Arbër Geci, deklaroi se “Kryetari Pacolli gjatë turneut të fundit në El Salvador, në takimet me kryetarin e këtij vendi ka marrë premtimin se në datën e inaugurimit të presidentit, shteti i Kosovës do të njihet nga El Salvadori, më 1 qershor. Po ashtu Jordania në koordinim me Egjiptin do ta njohin pavarësinë e Kosovës, por mbreti Abdullah, ka premtuar se edhe nëse Egjipti këmbëngulë për mosnjohje, Jordani do ta bëjë një gjë të tillë”, pat deklaruar zëdhënësi Geci.

Zëdhënësi Geci po ashtu pat deklaruar se prioritet në agjendën dhe punën e zyrtarëve të Aleancës Kosova e Re, mbetet lobimi dhe njohja e pavarësisë së Kosovës nga sa më shumë shtete, u tha sot në një takim për media të këtij subjekti politik. Zëdhënësi, Arbër Geci, bëri të ditur se lideri i AKR-së, po e vazhdon me sukses obligimin e tij kombëtar në lobimin për njohjen e Kosovës shtet. Ai njoftoi edhe për premtimet që i ka marrë lideri Pacolli për njohjen e Kosovës shtet nga vende të ndryshme të botës. /rtk/

Bahreini e njeh Kosovën e pavarur


bahrain-flag Bahreini ka konfirmuar se e ka njohur pavarësinë e Kosovës duke u bërë kështu vendi i 60 që e njeh Kosovën shtet. Në një deklaratë të Ministrisë së Punëve të Jashtme të Bahreinit që është postuar në agjencinë shtetërore të lajmeve BNA thuhet se duke marrë parasysh lidhjet kulturore dhe fetare në mes të popujve të të dy vendeve dhe respektit për dëshirën për pavarësi të popullit të Kosovës, mbretëria e Bahreinit njofton se ajo e njeh Republikën e Kosovës si shtet i pavarur. / Shqipmedia/ /kosovathanksyou.com/

Jordania e ka njohur pavarësinë e Republikës së Kosovës, duke e çuar numrin e njohjeve në 61 shtete. Lajmin e ka konfirmuar për KTV-në këshilltarja e ministrit të Jashtëm, Albana Beqiri.

“Është marrë vendimi për njohjen e Kosovës nga autoritetet e Jordanisë dhe ministri i Jashtëm i Kosovës, Skënder Hyseni, është duke pritur konfirmimin për njohje nga ministri i Jashtëm i Jordanisë”, ka thënë Beqiri.

Mbretëria e Jordanisë është shtet arab, i cili gjendet në Azinë Jugperëndimore dhe ka një popullsi prej afro 6 milionësh. Ndërkohë, para Jordanisë Kosovën e pati njohur Bahrejni para rreth dy muajsh. /KTV/