Facebook do te kete nje miliard perdorues

Themeluesi dhe drejtori ekzekutiv i rrjetit Facebook Mark Zuckerberg


është i bindur se ky rrjet për shoqërim online do të arrijë shifrën prej
një miliard përdoruesish. Ai thekson se kjo nuk ka gjasë të ndodhë këtë
vit, por garanton se kjo do të ndodhë në të ardhmen.
Ky rrjet, për të cilin besohet se ka rreth 500 milionë përdorues të
regjistruar në mbarë botën, ka për detyrë të bëj për veti edhe katër
shtete në të cilat nuk është rrjeti më i vizituar, e ato janë Rusia,
Japonia, Kina e Koreja.
Facebook ka një milion përdorues rus, por ky numër po dyfishohet për
çdo gjashtë muaj. Zuckerberg është i bindur për sukses në katër vendet e
përmendura në të cilat rrjetet vendore ua tejkalojnë atyre të huaja,
raporton gazeta britanike “The Telegraph”.
Për rrjetin konkurrent “Twitter” Zuckerberg ka thënë se ai për një
vit do të mund të bëhej më i madh sesa Facebook. Ai ka thënë se
supozohet që rritja e përdoruesve të Twitterit është e panatyrshme dhe
se atyre u kushtohet vëmendje tepër e madhe mediale.