Hudson dëshiron skenën e Londrës

Hudson dëshiron skenën e Londrës

Kate Hudson ka pranuar se asaj do t’i pëlqente që të paraqitej në një shfaqje në teatrot e Londrës- West End, nëse kjo nuk pengon mbarëvajtësinë e familjes së saj.
Aktorja, e cila të enjten mbrëma shkeli qilimin e kuq në Leicester Square për premierën londineze të mjuziklit “Nine”, thotë se do ta pranonte një rol skenik nëse kjo përshtatej me jetën e familjes së saj.

“Kam pasur një vit vërtet të mirë dhe është një ndjenjë e mirë, është viti i parë që ndjehem kështu. Kam menduar për teatrin, do të ishte argëtim. Asnjëherë nuk do të largohesha nga një mundësi e tillë. Por me kusht që të jetë një mundësi e duhur dhe të përshtatet me familjen time...”, ka thënë Hudson. /Telegrafi/