Fansat e Gagas grumbullojnë gjysmë milioni dollarë për Haitin

Lady Gaga ka falënderuar fansat anekënd botës, të cilët i kanë ndihmuar që gjatë një dite të vetme të grumbullojë më shumë se 500.000 dollarë, për të ndihmuar banorët e Haitit.
Këngëtarja e hitit “Poker Face” ia kushtoi 24 janarin vendit nga Karaibet që u shkatrua nga tërmeti, duke kërkuar grumbullimin e fondeve gjatë një koncerti në New York dhe duke shitur gjësende përmes faqes së saj të internetit.
Ndërsa në një koncert të mbajtur në Universitetin Purdue të martën, këngëtarja ka zbuluar fitimet nga donacionet e fansave, të cilët brenda 24 orëve kishin mbledhur më shumë se gjysmë milioni dollarë.