Mesazh kurajoje për Hakiun

Arbana diskuton me Hakiun për qëndrimin e tij në shtëpi gjatë kësaj jave. Hakiu e ka patur pak të vështirë, sidomos dy ditët e para, fakt ky që e konfirmon e dhe vetë. Arbana e pyet atë për marrëdhëniet me banorët e tjerë dhe Hakiu thotë se ka gjetur në shtëpi miq të mirë me të cilët miqësia do vazhdojë edhe pas përfundimit të lojës. Ai tregon se këta miq kanë qenë ata që e kanë ndihmuar të kalojë ditët e vështira. Për të është realizuar edhe një klip, për këto ditë qëndrimi në shtëpi. Arbana i jep një mesazh kurajoje të cilin ia dërgon familja e tij ku i shprehin mbështetjen dhe i urojnë atij qëndrim sa më të gjatë e ta shijojë këtë deri në fund. Hakiu preket nga këto fjalë e në sytë e tij duken pika loti.