Mihrija po e sfidon veten

Gradualisht po e sfidon vetveten. Mihrije Braha, këngëtarja që ka mbytur kohën, duke mbetur e re në dukje dhe në shpirt, tashmë ka nisur një shou krejtësisht të sajin, të titulluar “Female”. Duke qenë feminsite, ajo nuk ka dëshirë që të tingëllojë vetëm e tillë, por thjeshtë gjithë grave dhe vajzave të suksesshme, të profesioneve të ndryshme, t’u jepet mundësia të rrëfejnë në ekranin televiziv sukseset, sfidat, dëshirat, pasionet, brengat, vështirësitë e jetës që ato i kanë shoqëruar deri tek suksesi i arritur. Për ccdo të enjte, në orën 20:00 ajo na shfaqet në ekranet televizive, nën logon “Boom TV”, për të cilin është folur mjaft se është i saj dhe i Naim Abazit. Emisionin po e relakson edhe me muzikë, qoftë duke kënduar vetë, apo ndonjë këngëtare e ftuar e saj. “Po mundohem të bëj punën e moderators”, ka thënë ajo, ani pse ka marrë komplimente të shumta nga çdo mysafire e ftuar deri më tani.