Big Brother, largohet Pamela

Pamela largohet nga shtëpia, ndërsa kanë hyrë pesë banore të rinj. Gjatë kësaj jave janë kandiduar gjashtë banorë, të cilët do të jenë ata që do të jetojnë në shtëpinë e re. Një jetë paralele do të bëjnë të tjerët në shtëpinë ekzistuese.
E eliminuara e javës së tretë të “Big Brother 3” ka qenë Pamela. Publiku ka vendosur që Jetmiri, Graciela, Domenika dhe Seldi të vazhdojnë lojën. Ndërkohë që vetë banorët janë shprehur se e prisnin deri diku largimin e Pamelës, pasi ajo ka qenë pasive gjatë javës. Ne studio edhe Pamela ka pranuar se ishte përgatitur për një largim të mundshëm.
“Nuk doja të përfundonte kaq shpejt, por e pata pak të vështire të përshtatem”, ka thënë ajo.
Një spektakël tërësisht i ndryshëm ka qenë ai i të shtunës. Shumë befasi ka pasur për banorët. Zarfi i kuq, ashtu siç ishte lajmëruar një javë më parë, ka ndryshuar jetën e banorëve dhe ka sjellë një të papritur të madhe për publikun.
Një shtëpi e re, me kushte tërësisht te reja i është shtuar “Big Brother 3”. Kjo ndryshon tërësisht rrjedhën e spektaklit.
Këtë jave ka pasur gjashtë të kandiduar: Eduarti, Jetmiri, Olta, Renato, Seldi dhe Domenika, të cilët do të shkojnë të jetojnë në shtëpinë e re, ndërkohe që banorët e tjerë, së bashku me pesë të rinj që kanë hyrë mbrëmë gjatë spektaklit, do të vazhdojnë të jetojnë në shtëpinë e vjetër.