Se shpejti nje “Big Brother” ne Kosove vetem me Vip-a

Këngëtarja Big Mama këto ditë ka pranuar një ofertë për të qenë pjesë e një reality show që së shpejti do të fillojë trnasmetimin në RTV21 në Kosovë. Bëhet fjalë për një shou të ngjashëm me “Big brother” por që do të quhet “Big house” apo “Shtëpia e madhe” dhe të gjithë pjesëmarrësit do të jenë fytyra publike. Të mërkurën Bigi ka udhëtuar për në Kosovë për të nënshkruar kontratën e pjesmarrjes. Ky show duhet të fillojë diku nga muaj prill dhe Bigi brenda në show do të qëndrojë rreth 30 ditë. Për këtë eveniment oferta të ngjashme kanë pranuar edhe disa fytyra publike nga Kosova por deri më tani askush nuk ka rrëfyer asgjë deri sa të nënshkruhen kontratat.
Çmimi kryesor në këtë show do të jetë 100.000 euro. Bigi për këtë pjesëmarrje shprehet: “Jam shumë e lumtur, këtë e kam pranuar si një lloj zbavitje për mua dhe do të kënaqem në çdo moment gjatë qëndrimit në atë shtëpi. Nuk më intereson edhe aq shumë dhurata por nëse e fitoj çmimin kryesor atëherë, paratë do i dhuroj në ndonjë shtëpi që kujdeset për fëmijët pa prindër”, thekson ajo. Këngëtarja është e përmbajtur në lidhje me prononcimin se sa do të paguhet gjatë qëndrimit brenda, por burime të “Panorama plus” thonë se Bigi do të paguhet 500 euro në ditë.