Dafina: Si u njoha me te dashurin ne parukeri

Prej muajsh janë në lidhje dashurie. Në vitin që lamë pas ishin një nga çiftet me të përfolur nëpër media. Edhe pse nuk kanë pranuar të flasin hapur për lidhjen e tyre, ata në çdo vend dhe kudo janë parë së bashku. Këngëtarja më atraktive aktualisht në Kosovë, Dafina Zeqiri dhe i dashuri i saj Krenar Çoçaj për nder të festës së Shën Valentinit flasin për njohjen, lidhjen dhe dashurinë e tyre. Thonë: “Jemi dy trupa e një shpirt”! Cifti tregon se ka qënë njohur një muaj para se të fillonin lidhjen. “Prej që jemi takuar, kemi menduar si ta zëmë njëri-tjetrin”, tregon duke qeshur Dafina. Këngëtarja shton se njohja ka ndodhur në një sallon flokësh ku rregullohen dhe meshkutj dhe femrat. “Të dytë kemi qenë në një sallon flokësh ku rregullohen edhe meshkujt edhe femrat. Aty kemi biseduar dhe jemi njohur mes veti”.
Krenari më pas rrëfen se “xixat” e dashurisë nisën vetëm pas një muaji njohjeje deh se hapi është hedhur njëkohësisht nga të dy ata. Por kush e tha fjalën të dua. Dafina thotë se Krenari e ka thënë I pari këtë fjalë dhe se tani kjo fjalë është bërë mëse e zakonshme në dialogjet e tyre.Kurse Krenari shprehet se Dafina nuk e fsheh xhelozinë dhe është më tepër xheloze se ai.