Cka thot Kurani per ata qe vetvriten?

Cka thot Kurani per ata qe vetvriten?Jam teper kurreshtarre te me tregoj dikush se a lejohet vetevrasja ne islam?
Kam lexuar se ne fene kristiane ata qe vetevriten perjashtohen te varrosen ne varreza te perbashketa, po cka ndodh me te vetvraret ne islam, a ju bahet ritual i njejte sikur atyre qe kan nje vdekje te natyrshme?
Me shpres se dikush se shpejti do te me jap sqarime po pres.

Cka thot Kurani per ata qe vetvriten?
Stuhia Dje 12:00 AMNga Stuhia
084

Sa keq po me vie qe nga 84 lexues ne ket teme spaska ditur askush ti pergjigjet pyetjes time.
Me duket se se kam gabuar as forumin e as temen.
Forumi Mesime nga Kurani, e askush mos te dije te pergjigjet per nje pyetje qe pergjigjja i gjindet ne Kuran.
Shkoni ore ruani lopet e mos u paraqitni me si fetar dhe dijetar te Kuranit.

esht shum gjynah si muslimane te besh vetvrasje mu ma katil i shpirtit tan esht shummmmm keq hyn shum ne gjynah!!!!

29.O ju që besuat, mos e hani mallin e njëri-tjetrit në mënyrë të palejuar, përpos tregtisë në të cilën keni pajtueshmëri mes vete, dhe mos mbytni veten tuaj (ose njëri-tjetrin). Vërtet, All-llahu është i mëshirueshëm për ju.
__________________
Thotë All-llahu: "A menduan njerëzit të thonë: "Ne kemi besuar, e të mos vihen në sprovë?" (29.2)

Kur e kam sjell ate ajet nuk e kam komentu sepse nuk e dija dhe nuk e di komentimin e atij ajeti, un thjeshte e kam kopjuar ate nga Kur`ani dhe e kam postu ketu, hasanmehmeti ka te drejte kur me thot se nuk duhet ashtu te postoj, sepse eshte e mundur si ne kete rast dhe te keqkuptoni ato, ka patur edhe nje rast tjeter i njejte me disa ajete te sures et tevebe, per çka un kerkoj ndjese dhe inshAll-llah herave tjera me shum kujdes kur postoj ajete Kur`anore!

Kur e lexova titullin e kesaj teme e kuptova se po doni qe te diskutoni rreth Muxhahidave qe vdesin ne lufte duke shendrruar veten dhe makinen e tyre ne nje bombe shperthyese ajo nuk mund te quhet vetevrasje sepse e para ajo behet ne lufte dhe e dyta behet sepse eshte menyra me e sakte dhe me e forte per te luftuar nje armik i cili ne vete ka nje makineri me te sofistikuar dhe me te forte ne glob, vdekja ne beteje duke marr me vete edhe armiq nuk eshte "(VET)VRASJE" sepse vet muxhahidi ne ate rast nuk vdes i VETEM!

selamualejkum musliman

Ju e keni sqaru pyetjen mire tash ku thoni :
Mua thjeshte me intereson te di si trajtohet vetvrasja ne kushte paqesore?

Per kete pyetje thote Shejkh Albani rahimullah ne librin e tij El Feteua el-Muhimma Fi Tabsir il-Ummah, (fq.76.)

Eshte e njohur ne menyre te pandryshueshme ne mes te ulemave (dijetareve) se nuk eshte e lejuar per nje musliman te kryje vetevrasje per ta Çliruar (lehtesuar) veten prej ndonje fatekeqsie-financiare , nje semundeje te dhimbshme qe eshte vdekjeprurese, ose prej ndonje gjeje tjeter qe i ka ndodhur atij.Vetvrasja per te Çliruar veten prej qeshtjeve te kesaj natyre ,pa dyshim se eshte Haram. Ka hadithe te raportuara ne Sahihun e Buhariut dhe Muslimit (1)qe e perfshijne nje person qe e perfundon jeten e tij ,duke pire helm, ose duke therur veten ,ose ndonje menyre tjeter (qe do te qonte ne vdekjen e tij), do te pasoje me ndeshkimin e tij me te njejten menyre vdekjeje deri ne Diten e Ringjalljes .
Disa dijetare e kane kuptuar se personi qe e kryen vetevrasje vdes si Kafir apo mosbesimtar,meqense ai qe e kryen nje akt te tille ka inat dhe meri ndaj Zotit te Tij per shkak te fatekeqsive qe ai ka perballur pa durim.Pa dyshim.nje musliman nuk duhet te arrije kurre nivelin nepermjet te cilit te sjelle ndermend nje akt te tille te urryer , lere menjane kreyerjen e aktit te vetvrasjes.Ne te shumten e rasteve individi qe e merr jeten e tij nuk eshte Mu’min –besimtar i vertete. Sidoqofte eshte e perfytyrueshme qe nje musliman mund te ndikohet nga ideologjia e lige dhe infektuese qe mund ta qoje ate te kryeje vetvrasje.Eshte e perfytyrueshme qe nje akt i tille mund te ndodhe .Per shkak te kesaj ne themi me bindje dhe siguri te plote , se ai (qe kryen vetevrasje ) nuk eshte besimtar i vërtetë. Kjo eshte e ngjashme me ate qe e braktise faljen nga Xhuhud-i (mohimi i kokefortsisë).Por nese eshte e njohur se ai ka mohuar dhe refuzuar namazin , ateher ai nuk duhet te varroset brenda varrezave te muslimaneve .I njejti kushte e gjykim eshte edhe per ate qe e kryen vetvrasje dhe behet e njohur se vetvrasja e tij eshte berë per shkak te inatit dhe merisë ndaj Zotit te Tij, per shkak te fatekeqsive qe ai ka hasur

(1)Tregon Ebu Hurejreh , radi-Allahu anhu , sal-Allahu alejhi we selam , ka thene :” Ai qe e kryen vetvrase duke mbytur (nga fyti)veten do te vazhdoj te mbyse veten ne Zjarrin e Xhehnemmit(pergjithmon) dhe ai qe e kryen vetvrasje , duke therur (shpuar) veten e tij do te vazhdoje , duke therur veten e tij ne Zjarrin e Xhehnemmit” (Sahihu i Buhariut Vellimi 2.Libri 23, Numër 446).
Tregon Xhundebi , radi-Allahu anhu , se Resuli , sal-Allahu alejhi we selem , ka thenë :
“Nje burrë u plagos rëndë dhe kreu vetvrasje , dhe si pasoj Allahu tha :Robi im i ka sjelle vdekjen vetes se tij nxitimisht , keshtu qe Une (Allahu) ia ndaloj Xhenetin atij " (Sahihu i Buhariut Vllimi 2. Libri 23, Numër 445)
Dhe hadithi nga Pejgamberi a.s,ku thote:“Dhe kushdo që mbyt veten me armë të hekurt, atëherë arma e hekurt do të mbetet në dorën e tij dhe ai vazhdimisht do ta ther veten me të në Zjarr përgjithmonë.” Trasmetuar nga el-Buhari, nr. 5778 dhe Muslim, nr. 109, në Librin e Imanit.)(kete hadithe e pruna une se shejkhu nuk e permend ne kete teme te tij por me sqaru me shume temen per ju)

dhe une mendoj se ketu hyne edhe ajeti qe eka pru vella Muslimi ne postimin e tij me heret.

Shpresoj se e ke te qarte

Ndersa lutja jone e fundit eshte:
Falenderimi dhe suksesi i takon vetem Allahut subhanehu we teAla .

esselamualejkum nga vellau juaj ne Islam

I vetmi që ka lënë gjurmët me shkrimet e tij në këtë dhomë diskutimesh, e që ka njohuri në ketë lemi është Suhejbi, por ai asnjëhrë nuk e dha kontributin e vet, e aty ku nuk ka dijetar atëher përgjigjet i japin të padijshmit e në të shumtën e rasteve ata që kan devijuar nga rruga e drejt.

T’i kthehem temës; Cka thot Kurani per ata qe vetvriten?

Në listën e gjërave të ndaluara që Zoti e ka shpallur me anë të Kur’anit gjindet edhe vetvrasja.
Vetvrasja është një kundërvajtje antiislame.

Kur’an
Syre Nisa: 29


”O ju që besuat, mos e hani mallin e njëri-tjetrit në mënyrë të palejuar, përpos tregtisë në të cilën keni pajtueshmëri mes vete, dhe mos mbytni veten tuaj (duke mbytur njëri-tjetrin). Vërtet, All-llahu është i mëshirueshëm për ju”.


Kur’an
Syre Bekare: 195

”Dhe jepni për një rrugë të All-llahut e mos hidhni veten në rrezik dhe bëni mirë, se me të vërtetë All-llahu i do bamirësit”.


Kur’an
Syre Maide: 32

”Për këtë (shkak të atij krimi) Ne u shpallëm (ligj) beni israilve se kush mbyt një njeri (pa të drejtë), pa pasë mbytur ai ndonjë tjetër dhe pa pasë bërë ai ndonjë shkatërrim në tokë, atëherë (krimi i tij) është si t'i kishte mbytur gjithë njerëzit. E kush e ngjall (bëhet shkak që të jetë ai gjallë) është si t'i kishte ngjallur (shpëtuar) të gjithë njerëzit. Atyre (beni israilve) u erdhën të dërguarit Tanë me argumente, mandej edhe pas këtij (vendimi) shumë prej tyre e teprojnë (kalojnë kufinjt në mbytje) në këtë tokë”.



Pra me pak fjalë mund të themi se; në Islam vetvrasja është e ndaluar rreptësisht. Askush nuk ka të drejtë t'i japë fund jetës së vet, sepse ajo është amanet nga Zoti dhe askush nuk mund ta shpërdorojë atë. Në Islam vetvrasja konsiderohet sikurse vrasja e dikujt tjetër dhe është një prej mëkateve të mëdha.


Të shkojm me tutje në lidhje me vetvrasjet terroriste.


Hadith

Profeti Muhamed në një hadith thot; ”Nuk lejohet të derdhet gjaku i muslimanit, që deshmon se nuk ka të adhuruar tjetër përveç Allahut dhe se unë jam i Dërguar i Allahut, përveç në njerin prej tri rasteve: Ai që është i martuar dhe bën prostitucion, ai që mbyt njeri, ai që braktis fenë e vet dhe ndahet prej turmës”.

Një artikull i ngjarjeve të perditshme në botën Islame


Rritet numri i viktimave nga sulmet vetvrasëse në një xhami shiite në Bagdat

07-04-2006

Policia irakiane thotë se shpërthimet vetvrasëse që ndodhën në një xhami shiite në Bagdad lanë të paktën 70 të vrarë dhe 158 të plagosur.
Zyrtarët e sigurisë thonë se tre vetë të veshur si gra hodhën sot veten në erë, ndërsa besimtarët po largoheshin nga xhamia e Barathës në veri të Bagdadit, pas lutjeve të së premtes. Autoritetet u bënë thirrje irakianëve në Bagdad të dhurojnë gjak për të plagosurit dhe të evitojnë grumbullimet në grupe të mëdha pranë xhamive dhe tregjeve, për shkak të dhunës së vazhdueshme sektare.
Ndërkaq, ushtria amerikane tha se tre ushtarë të saj janë vrarë në sulme të veçanta në Irak. Një oficer i ushtrisë amerikane vdiq sot nga plagët që kishte marrë, kur patrulla e tij u bë objekt i sulmeve me armë të lehta në Bagdadin Perëndimor.
Një tjetër ushtar u vra dje, kur patrulla e tij luftarake hasi në një bombë anës rrugës në veri të Bagdadit. Po dje, një marins vdiq gjatë një operacioni në provincën e Anbarit. //rd//



Vetvrasjet terroriste nuk jan pjesë e xhihadit në rrugën e Zotit, dhe nuk është form e besimit por devijim nga besimi. Ajeti Kur’anor i shënuar më lartë, Maide: 32.

Fjalët e Shejh Uthejminit në lidhje me sulmet vetëvrasëse në Palestinë dhe gjetkë
Ish-Anëtar i Këshillit të Dijetarëve të Mbretërisë Saudite


Shejh Uthejmini, Allahu e mëshiroftë, tha në shpjegimin e tij të Rijadus-Salihit (1/165-166), duke i cekur disa pika dobiprurëse nga Hadithi i Suhejbit, Allahu qoftë i kënaqur me të:


“I Dërguari i Allahut (sallallahu alejhi ue selam) ka thënë: “Ka qenë një mbret nga mesi i atyre që erdhën para jush, dhe ai kishte një magjistar. Kështu që kur ai u moshua i tha mbretit, “Unë jam plakur. Ma dërgo një djalosh që unë t’ia mësoj magjinë atij’...“ hadithi vazhdon. (Shiko Rijadus-Salihin, nr. 30)


Nuk është e lejuar për personin që t’i eksponohet rrezikut për një çështje që është me dobi të përgjithshme për Muslimanët, sepse djaloshi i tregoi mbretit mënyrën me të cilën ai do ta mbyste atë, dhe e cila do të çonte në vdekjen e tij - e cila ishte ajo se ai duhej ta merrte një shigjetë dhe…etj.


Shejhul Islam Ibn Tejmije tha, “Sepse ky ishte Xhihad në rrugën e Allahut, i cili bëri që një popull i tërë të besojë, dhe ai në të vërtetë nuk humbi asgjë, meqë ndonëse ai vdiq, ai dosido do të vdiste, herët ose vonë.”


Por përsa i përket asaj çka disa njerëz bëjnë në lidhje me aktivitetet vetëvrasëse, duke e lidhur eksplozivin për trupi dhe pastaj duke iu afruar pabesimtarëve dhe duke e detonuar në mesin e tyre, atëherë ky është rast i vetëvrasjes dhe kërkohet ndihma e Allahut nga kjo. Pra, kushdo që bën vetëvrasje, ai do të hyjë në Xhehenem duke mbetur aty përgjithmonë, siç qëndron në hadithin e Pejgamberit (sallallahu alejhi ue selam), “Dhe kushdo që mbyt veten me armë të hekurt, atëherë arma e hekurt do të mbetet në dorën e tij dhe ai vazhdimisht do ta ther veten me të në Zjarr përgjithmonë.” Trasmetuar nga el-Buhari, nr. 5778 dhe Muslim, nr. 109, në Librin e Imanit.)


Nga që ky person e ka mbytur veten dhe nuk i ka sjellur dobi Islamit. Pra, nëse ai e mbyt veten së bashku me dhjetë apo njëqind njerëz të tjerë, atëherë Islami s’do të përfitojë nga kjo, meqë njerëzit nuk do ta pranojnë Islamin, në kundërshtim me rrëfimin e djaloshit. Më saktë, kjo me gjasë vetëm do ta bëjë armikun më të vendosur, dhe ky akt do të provokojë hidhërim në zemrën e tij deri ne atë masë sa që ai mund të bëjë kërdi në Muslimanë.


Ky është rasti me praktikimin e Çifutëve me popullin e Palestinës. Kur njëri nga Palestinezët e hedh veten në ajër dhe mbyt gjashtë ose shtatë njerëz, pastaj në shenjë hakmarrje ata i mbysin gjashtëdhjetë apo më shumë. Pra, kjo nuk sjell ndonjë dobi për Muslimanët, dhe nuk u sjell dobi atyre në mesin e radhëve të të cilëve detonohen eksplozivët.


Ajo që ne thamë është se, ata njerëz të cilët i bëjnë këto vetvrasje kanë bërë gabimisht vetvrasje, dhe se kjo e detyron hyrjen në Xhehenem, kërkojmë strehim te Allahu, dhe se ky person s’është martir (shehid). Sidoqoftë, nëse personi e ka bërë këtë duke u bazuar në keqinterpretim, duke menduar se kjo është e lejuar, atëherë shpresojmë se ai do të shpëtohet prej mëkatit, ndërsa përsa i përket martiritetit të tij, atëherë jo, meqë ai nuk e ka marrë rrugën e martiritetit. Por, kushdo që bën ixhtihad (nxjerr vendime) dhe gabon, do të pranojë vetëm një shpërblim (nëse ky person është i kualifikuar të bëjë ixhtihad).

Fetvaja e Shejkh Albanit për shpërthimet vetëvrasëse
El-Fetaua el-Muhimme Fij Tebsijril-Ummeh (fq.76)




…Tani vijmë tek sulmet vetëvrasëse. Kjo është çfarë dimë ne nga Japonezët dhe ata si puna e tyre (pilotët kamikazë), kur një njeri e sulmonte një anije luftarake Amerikane me aeroplanin e tij dhe ai shpërthente bashkë me aeroplanin e tij, por ai do të godiste ushtrinë që gjendej në anijet luftarake Amerikane.


Ne themi: Sulmet vetëvrasëse tani, në kohën e tashme, të gjitha ato nuk janë të lejuara (në Sheriat), dhe të gjitha ato janë të ndaluara, dhe ato mund të jenë prej atyre llojeve (të vetëvrasjeve) në llogari të së cilës ai që e ka kryer atë do të qëndrojë në Zjarr përgjithmonë. Sa për sulmet vetëvrasëse si formë afrimi nëpërmjet të cilave personi afrohet tek Allahu, personi sot lufton për hir të tokës së vet, në rrugë të kombit të vet. Këto sulme vetëvrasëse nuk janë absolutisht Islamike.


Për shembull, individë që hipin në male dhe shkojnë tek një ushtri e çifutëve dhe vrasin një numër prej tyre dhe pastaj vriten edhe vetë - ku është dobia në këtë çështje? Këto iniciativa individuale nuk kanë një përfundim (të dëshiruar) që rezulton se është në dobi të da’ues Islame, absolutisht.


Për këtë arsye ne i themi të rinjve Muslimanë, ruajini jetët tuaja me kusht që ju të studioni fenë tuaj Islame dhe që ju ta njihni atë me një njohje të saktë, dhe që ju të veproni sipas saj brenda kufijve të dijes suaj, dhe udhëzimi më i mirë është udhëzimi i Muhamedit, sal-Allahu alejhi ue sel-lem.

A eshte tradhtia dhe terrorizmi permiresim ne toke apo xhihad?
Hytbe xhumaje nga shejh Muhammed bin Salih el-Uthejmin, Allahu e meshirofte, mbi ndalimin e vetvrasjes, fesadit ne toke dhe frikesimit te njerezve te siguruar. E mbajtur me 12/2/1417h (1996)



Hamdi i takon vetem Allahut. Ate e bejme hamd (e falenderojme ngase ai e meriton falenderimin) prej Tij kerkojme ndihme dhe falje, dhe te Ai strehohemi nga sherret e veteve tona dhe te keqijat e veprave tona. Ate qe e udhezon Allahu, s'ka kush qe e humb; ate qe e humb, s'ka kush qe e udhezon. Deshmoj se askush nuk meriton te adhurohet pos Allahut, i cili eshte nje dhe s'ka ortak, dhe deshmoj se Muhamedi eshte robi dhe i derguari i Allahut, i cili transmetoi dergaten, e çoi ne vend ate qe iu besua atij, e keshilloi ummetin, beri xhihad te vertete per Allahun dhe e la ummetin ne rruge te qarte e te paster, prej te ciles nuk largohet asnje pos atij qe eshte i shkaterruar. Pra paqja dhe shpetimi i Allahut qofshin mbi te, mbi familjen e tij, shoket e tij dhe ata qe i pasojne ata me te mire deri ne diten e gjykimit.


"O ju qe keni besuar, kini frike Allahun me frike te vertete dhe mos vdisni pos si muslimane" Ali Imran 102.

"O ju qe keni besuar, kini frike Allahun, i cili ju ka krijuar nga nje vete dhe e krijoi nga ai bashkeshorten e tij, dhe kini frike Allahun me emer te te cilit betoheni dhe ruajeni farefisin. Me te vertete Allahu eshte mbikeqyres mbi ju" en-Nisa' 1.

"O ju qe keni besuar, kini frike Allahun dhe thoni fjale te drejta. Jua permireson (Allahu) veprat dhe jua fal gjynahet. Dhe kush i bindet Allahut dhe te derguarit te Tij, ka fituar me nje fitore te madhe" el-Ahzab 70-71.


O rober te Allahut, me te vertete feja islame te cilen Allahu e zgjodhi per ju dhe me te cilen u dergua vula e te derguarve, Muhammedi sal-lAllahu alejhi we sel-lem, eshte fe e permbushjes se premtimit, fe e beses, fe e drejtesise, fe e sinqeritetit, fe e miresise, fe e mbajtjes se lidhjeve farefisnore. Thote Allahu azze we xhel (kuptimi ne shqip): "Permbushni premtimin, ngase premtimi ka pergjegjesi" el-Isra' 34.


Dhe thote i Madheruari:"O ju qe keni besuar, zbatoni marreveshjet" el-Maide


Dhe thote:"O ju qe keni besuar, mos e tradhtoni Allahun dhe te derguarin, dhe keshtu t'i tradhtoni amanetet tuaja duke e ditur (sa keq eshte kjo)" el-Enfal 27.


Dhe thote:"O ju qe keni besuar, behuni te vendosur per Allahun, deshmitare te drejte, dhe mos te ju nxise urrejta qe e keni ndaj dikujt qe te mos jeni te drejte; behuni te drejte, kjo eshte me afer devotshmerise dhe kini frike Allahun, se me te vertete Allahu e di hollesisht ato qe veproni" el-Maideh 8.


Dhe thote:"O ju qe keni besuar, kini frike Allahun dhe behuni me te sinqertit" et-Teubeh 119.


Dhe thote:"Dhe beni ibadet (adhuroni) Allahun e mos adhuroni asgje krahas Tij, dhe behuni te mire ndaj prinderve tuaj" en-Nisa' 36.


Dhe thote:"Dhe ata qe i mbajne lidhjet, te cilat ka urdheruar Allahu te mbahen (farefisnine)" er-Ra'd 21.


Feja islame, ashtu siç urdheron per edukate te mire dhe sjellje te drejta, njashtu e lufton pabesine, tradhtine, zullumin, rrenen, sjelljen e keqe me prinder dhe nderprerjen e marredhenieve farefisnore. Thote pejgamberi sal-lAllahu alejhi we sel-lem:'Kush i ka kater cilesi eshte munafik (hipokrit) i vertete, dhe kush e ka nje nga keto cilesi, ai ka cilesi te nifakut (hipokrizise) deri sa ta le ate: kur jep besen, nuk e mban; kur flet, genjen; kur te beje marreveshje, tradheton dhe kur te armiqesoje, e tepron' (Trans. Buhariu nr.34 dhe Muslimi nr.58). (Kuptimi i fjales 'e tepron', dmth me betime te rrejshme dhe akuza te pabaza sh.p.)


Dhe thote sallAllahu alejhi we selem:'A te ju tregoj per gjynahet me te medha'. Thame (dmth shoket e tij, sh.p.):'Gjithsesi, o i derguar i Allahut!' Tha:'Shirku ndaj Allahut (dmth te berit shok Atij ne adhurim, sh.p.) dhe sjellja e keqe ndaj prinderve'. (Tran.Buhariu nr.2654 dhe Muslimi nr.87 sh.p.)


Dhe ka thene sallAllahu alejhi we sellem:'Nuk hyn ne xhennet ai qe eshte preres' (Tran. Buhariu nr.5984 dhe Muslimi nr.2556 sh.p.) Dmth preres i marredhenieve farefisnore.


Andaj islami eshte fe e veprave te larta, fe e ahlakut (edukates se mire) dhe i lufton veprimet e cekta. Rober te Allahut! Mbajtja e premtimit eshte prej ahlakeve te larta islame per te cilat ka urdheruar, nxitur dhe i ka lavderuar Allahu. E pabesia dhe tradhtia, jane prej ahlakeve te cekta, te cilat i kane ndalur sheriatet e pejgambereve dhe prej te cilave largohen natyrshmerite. Me te vertete prej pabesive me te medha eshte vrasja e atyre, vrasjen e te cileve e ka ndaluar Allahu, pos me te drejte, e keta s'jane vetem muslimanet por jane kater grupe njerezish: muslimanet, jomuslimani qe jeton ne nje vend musliman, jomuslimani me te cilin muslimanet kane marreveshje dhe jomuslimani, te cilit i eshte dhene siguria nga ndonje musliman.


Keto kater grupe jane te ndaluara te vriten. Te gjithe keta jane haram te vriten, siç do te tregojme ne vijim, inshaAllah.


Eshte e qarte per çdo njeri dhe eshte prej gjerave qe gjithsesi duhet te dihen ne fe, se eshte e ndaluar te vritet muslimani. Pra kush na paraqitet neve si musliman, eshte e ndaluar te vritet edhe nese ben mekate te medha, per te cilat lejimin e vrasjes s'na e tregon Kur'ani dhe Sunneti.

Ndersa sa i perket atij qe jeton ne mesin e muslimaneve (dhimmi) apo atij qe ka marreveshje me muslimanet (muahed), ka ardhur ne hadith te verifikuar se i derguari i Allahut sallAllahu alejhi we sellem ka thene:"Ai qe e vran nje jomusliman qe ka marreveshje me muslimanet, nuk do ta nuhase eren e xhennetit, e era e tij ndjehet ne largesi 40 vjet udhetimi" (Transmeton Buhariu ne Sahihun e tij).


Transmeton gjithashtu Buhariu nga Abdullah ibn Umeri, Allahu qofte i kenaqur me te dyte, se i derguari i Allahut sallAllahu alejhi we sellem ka thene:'Nuk pushon se qeni besimtari ne gjeresi te fese se vet derisa te derdhe gjak te ndaluar' (Transmeton Buhariu nr.6862). Kuptimi i hadithit: do te kete besimtari shprese te Allahu se do t'ia fale gjynahet qe i ka bere, deri sa ta vrase ate qe i eshte ndaluar ta vrase, dhe kur ta vrase, i ngushtohen rruget e shpreses, sh.p).


E kuptuat se gjaqet e ndaluara jane kater! Keshtu, ka thene i derguari sallAllahu alejhi we sellem: 'Nuk pushon se qeni besimtari ne gjeresi te fese se vet derisa te derdhe gjak te ndaluar'. Ka thene Abdullah ibn Umeri radijallahu anhuma: 'Me te vertete derdhja e gjakut te ndaluar pa lejim, eshte prej puneve te veshtira prej te cilave s'ka dalje ai qe e fut veten ne to' (Transmeton Buhariu gjithashtu.)


E ka qelluar ibn Umeri kur ka thene se derdhja e gjakut te te pafajshmeve eshte prej puneve ne te cilat njeriu qe futet s'ka rrugedalje prej saj. Dhe derdhja e gjakut te kafirit, me te cilin muslimanet kane marreveshje (muahed), eshte haram dhe prej gjynaheve te medha, ngase i derguari i Allahut ka thene se ai qe e vran ate, nuk do ta nuhase aromen e xhennetit dhe çdo gjynah, vepruesi i te cilit eshte kercenuar ne Kur'an apo Sunnet, eshte prej gjynaheve te medha.


Sa i perket atij, te cilit i jepet besa nga muslimanet (muste'men), ka thene Allahu ne librin e tij (kuptimi ne shqip, sh.p.):"Nese ndonjeri nga mushriket (politeistet) kerkon mbrojtjen tende, merre nen mbrojtjen tende derisa ta degjoje fjalen e Allahut, pastaj percjelle deri te nje vend i sigurt ne vendin e tij" et-Teubeh 6.


Ka ardhur ne Sahihun e Buhariut dhe Muslimit, se i derguari i Allahut sallAllahu alejhi we sellem ka thene:'Besa e muslimaneve eshte qe edhe me i vogli i tyre mund ta jape (nje bese), dhe mallkimi i Allahut, melaikeve (engjejve) dhe gjithe njerezve qofte mbi ate qe e pren ne bese muslimanin. Allahu s'i pranon atij as farz as nafile'.


Kuptimi i hadithit eshte se kur nje musliman e merr persiper ta mbroje nje njeri dhe e fut ne besen e tij, atehere besa e tij eshte besa e te gjithe muslimaneve dhe mallkimi i Allahut, melaikeve dhe gjithe njerezve eshte mbi ate qe e pren ne bese muslimanin. Prandaj ne e mallkojme ate te cilin e mallkon Allahu, i derguari i tij dhe melaiket, dhe atij s'i pranohet as farz as nafile (as puna e urdheruar as e vullnetshme).


Ka ardhur ne Sahihun e Buhariut, se Ummu Hani' bint Ebi Talib (vajza e xhaxhait te resulUllahit) erdhi te pejgamberi diten e çlirimit te Mekkes, i dha selam atij dhe ai tha:'Kush je ti?' Ajo tha:'Jam Ummu Hani' bint Ebi Talib'. I derguari i Allahut sallAllahu aljhi we sellem tha:'Mire se na vjen, Ummu Hani'. Ajo tha:'O i derguar i Allahut, po thote biri i nenes time, Aliu (e ka per qellim Ali ibn Talibin), se do te vrase nje njeri qe e kam marre nen mbrotjen time'. I derguari i Allahut saAllahu alejhi we sellem tha:'E kemi marre nen mbrojtjen tone ate qe e ke marre nen mbrojtjen tende, o Ummu Hani'.

Pra, i derguari i Allahut e lejoi dhenien e beses nga femra dhe e beri ate pengese per vrasjen e atij mushriku. Prandaj kafirat qe jane ne vendin tone ne bese (dmth iu jepet viza nga shteti musliman, sh.p.) jane te respektuar dhe eshte haram te vriten. Nga e tere kjo shihet se aksioni me bombe ne qytetin Huber (Khobar), i cili u krye ne vend te banuar, me banore qe e kane te mbrojtur gjakun dhe pasurine, naten e dites se merkure (10) te ketij muaji Safer te vitit 1417h (1996 sh.p.) dhe qe shkaktoi me shume se 18 te vrare dhe 386 te plagosur, prej te cileve ka muslimane femije, gra, pleq, burra dhe te rinj dhe ne te cilin u shkaterruan mallra dhe ndertesa te shumta, eshte gabim dhe s'ka dyshim se kete aksion nuk e perkrah as sheriati, as mendja, e as natyrshmeria.


Sa i perket sheriatit, ju i degjuat pak me pare argumentat Kur'anor dhe Sunnetik: detyrimin e respektimit te gjakut dhe pasurise se muslimaneve, gjithashtu edhe te jomuslimaneve, te cilet kane bese apo kontrate apo garance nga muslimanet. Respektimi i atyre, te cileve u eshte dhene besa, eshte prej miresive te fese islame. Dhe nuk do te thote nese ne i respektojme ata ne baze te marreveshjeve qe i kemi me ta se ne i duam ata apo i ndihmojme ata, mirepo kjo eshte zbatim i premtimit, ngase premtimi ka pergjegjesi.


Sa i perket mendjes, asnje njeri i mençur nuk prek ne nje gje te ndaluar, ngase i di pasojat e keqija te kesaj vepre. Gjithashtu i mençuri nuk e vepron nje veper te lejuar deri sa te dije rezultatin e saj dhe çfare pasojash ka. Ka thene ResulUllahi sallAllahu alejhi we sellem:'Kush beson ne Allahun dhe diten e gjykimit, le te flase ate qe eshte mire ose le te heshte'. Pra urdheroi i derguari te mos flase njeriu asgje pos asaj qe eshte mire, nga imani i plote. Nga kjo thuhet se, qe njeriu te mos beje asnje veper pos veprave te mira, eshte nga imani i plote i njeriut. Dhe s'ka dyshim se kjo veper e ulte ka pasoja shume te keqija, prej te cilave do te permendim ne vijim ato qe na lehtesohen t'i permendim.


Ndersa sa i perket refuzimit te kesaj vepre nga natyrshmeria e njerezve, çdo njeri me natyrshmeri te shendoshe e urren sulmin mbi te tjeret.


Cili eshte gjynahi i te lenduarve muslimane nga ky sulm?


Cili eshte gjynahi i njerezve te qete ne shtreterit e tyre, qe te goditen nga ky sulm i dhimbshem?


Cili eshte gjynahi i atyre qe u eshte dhene besa nga muslimanet?


Cili eshte gjynahi i femijeve, pleqve dhe plakave?


Ky me te vertete eshte sulm i keq dhe i paarsyeshem.


Sa i perket pasojave,


Se pari:ky sulm eshte mosrespektim i Allahut dhe te derguarit te tij, ngacmim i te ndaluarave nga Allahu dhe cytje e vetes para mallkimit te Allahut, melaikeve dhe te gjithe njerezve dhe se Allahu nuk ia pranon vepruesit te kesaj vepre as farzin e as nafilen.


Se dyti:prej pasojave te keqija eshte njollosja e Islamit me kete veper, ngase armiqte e kesaj feje do ta shfrytezojne kete veper per njollosjen e Islamit dhe largimin e njerezve prej tij, edhepse Islami eshte i paster nga kjo veper. Ngase, edukata islame eshte sinqeritet, miresi dhe mbajtje e beses, dhe Islami terheq verejtjen shume kunder kesaj vepre dhe veprave te ngjashme me te.


Se treti:nga pasojat e keqija eshte se do te akuzohen te perkushtuarit ne fe per kryerjen e ketij akti, edhepse ne e dime se ata qe e praktikojne sheriatin e Allahut me perpikmeri nuk e pranojne kurre kete veper, bile distancohen prej saj dhe e kundershtojne deri ne fund. Kjo ngase i kapuri per fene e Allahut, eshte ai qe vepron ne fene e Allahut ate qe do Allahu, jo ate qe ia ha mendja apo ia thote shija e tij e bazuar ne emocione te vrullshme dhe ne mehnexh (metodologji pune) te larguar nga e verteta. Dhe kjo, e kam per qellim te kapurit e vertete per sheriatin, eshte e shumte ne mesin e rinise sone (e ka per qellim Arabine Saudite), dhe Hamdi i takon Allahut.


Se katerti:prej pasojave te keqija eshte se shume njerez te thjeshte, te cilet nuk e dine realitetin e te kapurit per fese se Allahut, do t'i shikojne shume prej te kapurve per feje, te cilet jane te pafajshem nga ky akt, me sy te armiqesise, frikes, kujdesit dhe paralajmerimit kunder tyre, siç kemi degjuar nga disa injorante te thjeshte te ua terheqin vemendjen femijeve te tyre nga te kapurit per feje, posaçerisht pasi i pane ata qe u denuan per sulmet me eksploziv ne qytetit e Rijadit.


Me kete rast, o vellezer, çuditem me disa njerez qe u kane dhene liri gjuheve te veta te flasin per vendimin e gjyqit (vendimi i gjyqit ishte te vriten kryesit e kesaj vepre, sh.p.) edhepse ky vendim eshte dhene ne rruget me te forta te gjykimit, ngase eshte dhene nga nje numer i gjykatesve, te cileve u besohen gjakrat dhe pasurite e njerezve. Pastaj u pajtua me kete gjykim edhe gjykata e apelit, pastaj u aprovua nga keshilli suprem i gjyqesise dhe u zbatua nga pushtetari i ketij vendi.


Si mundet pas tere kesaj te leshoje gjuhen mbi kete gjykim muslimani qe beson ne Allahun dhe fjalet e Tij, dhe te thote se ky gjykim eshte me afer gjynahit se miresise. Nese flet njeriu çka flet per kete gjykim qe eshte marre me rruget me te forta te gjykimit, atehere e ka te lehte te flase per pune edhe me te vogla. Mirepo, te gjithe e dine se vendi yne eshte vendi me i forte ne bote ne gjykim sipas asaj qe e ka zbritur Allahu dhe per kete deshmon çdokush, dhe Hamdi i takon Allahut. Dhe besoj se po te ishte goditur ne te afermit e tij ky foles, nuk do te kishte folur keq per kete gjykim. Por nese supozojme qe ka gabuar gjykatesi ne kete gjykim, atehere ai eshte gabim i falur dhe shperblehet per kete gjykim te gabuar me nje shperblim, siç ka ardhur ne hadith te vertete nga ResulUllahi sallAllahu alejhi we sellem mbi gjykatesin qe ben ixhtihad (mundohet te jape gjykim te drejte) dhe gabon.


Ky gjykim ishte ndeshkim per ata qe u munduan te bejne fesad (çrregullim) ne kete vend, e ata qe u gjykuan, mbaruan ate qe e kishin te caktuar te jetojne dhe do te shperblehen per veprat qe i kane bere. Mirepo, ne ne kete vend u besojme gjykatesve tone, atyre qe gjykuan dhe atyre qe e zbatuan gjykimin, dhe e lusim Allahun t'i drejtoje ne fjalet dhe veprat e tyre.


Se pesti:nga pasojat e keqija te kesaj vepre te shemtuar, e kam per qellim eksplodimin ne qytetin e Huberit, eshte se kjo veper nxit anarkine ne kete vend, i cili duhet te jete vendi me sigurine dhe qetesine me te madhe ne bote, ngase ne te eshte Ka'beja, te cilen e ka bere Allahu vend jetese per njerezit qe i kryejne ne te punet e tyre fetare e boterore.


Thote Allahu (kuptimi shqip):"Dhe kur e beme e Ka'ben vendkthim per njerezit dhe vend te sigurt" el-Bekareh 125.


Dhe thote:"E beri Allahu Ka'ben, shtepine e shenjte, vend jetese" el-Maideh 97.


Dhe eshte e ditur se njerezit s'mund te arrijne te Ka'beja pos nese kalojne neper ndonje ane te ketij vendi.


Se gjashti:prej pasojave te keqija te kesaj vepre te shemtuar, eshte çka ka ndodhur si pasoje e saj ne humbje jetrash dhe pasurishe, dhe demtim dhe lendime siç eshte pare ne mjete te informimit, gje nga e cila pelcasin zemrat dhe rrjedhin lotet: kur shihen femijet e lenduar ne shtreter te spitalit te lenduar ne sy, vesh, dore, kembe apo ndonje pjese tjeter te trupit, se si i shikojne vizitoret e tyre. S'mund te shlyejne ate qe u ka ndodhur e as te shtyejne ate qe i pret.


A ka njeri qe e pranon dhe e pelqen kete?!


Permiresimi i gjendjes nuk behet me keto pune. E keqja nuk sjell te mire dhe mjetet e keqija kurre s'do te jene rruge per permiresim.


Si mund te pastrohet e felliqura me nje gje edhe me te felliqur!


E dime ne dhe te diturit dhe njerezit me pervoje, dhe falenderimi i takon Allahun, se vendi yne sot eshte vendi me i mire islam ne gjykim me ate qe e ka zbritur Allahu dhe ne largim nga punet e ulta dhe gjerat qe e shkaterrojne moralin. Nuk ka ne vendin tone, dhe Hamdi i takon Allahut, varre qe behet tavaf rreth tyre dhe qe adhurohen; nuk ka, nuk shitet dhe nuk pihet alkoholi haptazi; nuk ka ne te kisha ku lutet tjeterkush pos Allahut, dhe s'ka ne te shume gjera qe dihen sot ne shume vende islame.


A mund te paramendohet nga nje njeri qe punon sinqerisht per Allahun, pejgamberin dhe muslimanet, t'i barte fitnet ne vendin tone?!


Prandaj, le t'ia kene drone Allahut dhe le te flasin fjale te drejta dhe le te bejne pune te lavderuara.


O Allah, ne te lusin ne kete vendqendrim tonin, duke e pritur nje farz nga farzet e tuaja, qe ta shkaterrosh fesadin dhe fesatgjinjte. O Allah, shkaterroje fesadin dhe fesatgjinjte. O Allah, beji kurthat e tyre qe ata vete te bien ne to, dhe beji planet e tyre shkaterrim te tyrin, o Zoti i çdo gjeje. O Allah, ruaje vendin tone nga fitnet e qarta dhe te fshehta. O Allah, na ruaj nga sherret e veteve tona dhe nga sherret e robeve Tu dhe mbaje te forte sigurine ne vendin tone dhe shtoji atij miresi dhe permiresim, se Ti me te vertete ben çka te duash.


I them keto fjale dhe kerkoj falje te Allahu per mua dhe per ju dhe per te gjithe muslimanet per çdo gjynah. Pra kerkoni falje te Ai se Ai eshte Fales i madh dhe shume i Meshirshem.

Si e trajton Kurani fenomenin e vetvrasjes?
Fakte rreth vetëvrasjes

- Sipas statistikave të Kombeve të Bashkuara, vërejmë se 450 milionë njerëz vuajnë nga çrregullimet psikologjike dhe nervore. Më tepër se 90% e rasteve të vetëvrasjeve i kanë shkaqet te çrregullimet psikologjike, saktësisht brengat dhe pikëllimet, gjegjësisht humbja e shpresës që ekzistonte tek ata më parë.
- Vetëvrasja konsiderohet shkaku i tetë i rasteve të vdekjes në Shtetet e Bashkuara të Amerikës.
- Burrat afërisht katër herë më tepër u ekspozohen vetëvrasjes sesa gratë. Ndërsa orvatjet e vetëvrasjeve tek gratë janë më të shumta.
- 60 % e rasteve të vetëvrasjeve kryhen me përdorimin e armëve të zjarrit, si pistoleta.
- Studimet sinjalizojnë se mundësia e vetëvrasjes te individi rritet me shtyrjen e moshës. Kësisoj vërejmë se një numër i konsiderueshëm në mesin e atyre që vetëvriten janë burra dhe mosha e tyre i kalon 65 vjet.

Faktorët që ndikojnë në vetëvrasje

- Elementi i brengës mbizotëron në ndjenjat e atyre që tentojnë të bëjnë vetëvrasje.
- Gjithashtu ndjenja e dëshpërimit luan rol të madh në përgatitjen për vetëvrasje.
- Përsëritja e orvatjeve të vetëvrasjeve apo të menduarit për vetëvrasje janë shkaqe të fuqishme për kryerjen e vetëvrasjes më pas.
- Varësia ndaj alkoolit dhe drogës mund të jenë prej shkaqeve që çojnë në vetëvrasje.
- Bindja ideologjike rreth vetëvrasjes luan një rol thelbësor në pranimin e konceptit të vetëvrasjes. Injoranca e njeriut se vetëvrasja është akt i ndaluar e bën që ta anashkalojë këtë akt. Dikush tjetër mund ta konsiderojë vetëvrasjen si vendim fisnik për t’u mbrojtur nga gabimet ose humbjet e mëdha që nuk mund t’i përballojë mendja.
- Humbja e diçkaje të shtrenjtë ose një humbje e madhe mund të çojë në një lloj reagimi që mund të përfundojë me vetëvrasje.
- Faktorët psikologjikë si izolimi, veçimi apo armiqësia mund të çojnë në mendimin për vetëvrasje.

Faktorët parandalues sipas të dhënave të shkencës bashkëkohore

Shkencëtarët, të cilët kanë studiuar mijëra raste të personave të vetëvrarë, vërtetojnë domosdoshmërinë e kujdesit ndaj atyre që kanë çrregullime psikologjike sepse ato mund t’i çojnë drejt vetëvrasjes. Pra, është i domosdoshëm kujdesi nga aspekti mjekësor dhe sigurimi i gjendjes psikologjike së shëndoshë për ta.

Natyrisht se ata shkencëtarë e trajtojnë sëmundjen vetëm se pas ndodhjes së saj. Mjeku pret shfaqjen e sëmundjes e më pas bën studimin, analizën dhe gjetjen e ilaçit të përshtatshëm për të. Ata shkencëtarë nuk kanë arritur akoma të gjejnë një ilaç që do t’i lehtësonte apo zvogëlonte rastet e vetëvrasjes, sepse statistikat botërore tregojnë se përqindja e vetëvrasjeve pothuajse është e konstante dhe mund të lëkundet drejt një mesatareje që mund të arrijë me një milion të vetëvrarë çdo vit.

Shifra të frikshme!

Në mënyrë që të mos mendojë dikush se po ekzagjerojmë me këto numra, po paraqesim një statistikë shumë të saktë të bërë në vitin 2002 në Shtetet e Bashkuara të Amerikës , rezultati i së cilës ka qenë:
Numri i të vetëvrarëve ka qenë mbi 31 mijë; 25 mijë burra dhe 6 mijë gra.
Më tepër se pesë mijë prej tyre kanë qenë mbi 65 vjeç.
Numri i të rinjve në mesin e tyre (15-24 vjet) ka qenë katër mijë të vetëvrarë.

Duke u bazuar mbi këto shifra mund të konstatojmë se në Shtetet e Bashkuara të Amerikës një person vetëvritet çdo 15 minuta!
Në këtë statistikë thuhet se 17 mijë njerëz e kanë vrarë veten me armë zjarri (me pistoletën e tyre), ndërsa më shumë se 6 mijë kanë preferuar varjen.
Më shumë se 700 prej tyre janë hedhur nga katet e larta. Më shumë se 300 janë zhytur në ujë dhe janë vrarë duke u fundosur.

Gjithashtu mund të themi mesatarisht se çdo vit vriten 100 mijë persona në aksidente të ndryshme automobilistike e të ngjashme me to. Le të meditojmë pak për numrin shumë të më lartë. Medito për këtë përqindje shumë të lartë të atyre që tentojnë të vetëvriten.

Kurse fakti që të bën të habitesh në këtë raport është se 5 milionë amerikanë kanë bërë përpjekje për ta vrarë veten!
Me gjithë mjetet e përparuara që kontribuojnë në rrugën e trajtimit të kësaj sëmundjeje, sërish përqindja e vetëvrasjes është rritur 60% gjatë gjysmës së shekullit të kaluar!

Në të kaluarën ka mbizotëruar bindja se vetëm persona të caktuar anojnë drejt vetëvrasjes, mirëpo faktet shkencore konfirmojnë se te çdo njeri ekziston mundësia e guximit për vetëvrasje sikur të plotësoheshin kushtet e përshtatshme. Ka ekzistuar më parë bindja se biseda rreth vetëvrasjes me personin që synon vetëvrasjen do ta bëjë më të guximshëm për atë akt, mirëpo studimet kanë shfaqur të kundërtën, respektivisht biseda rreth pasojave të vetëvrasjes dhe rezultateve të rrezikshme, dhimbjeve të tij mund të parandalojnë aktin e vetëvrasjes.

Parashtrohet pyetja: Ç’mund të thuhet për librin e Allahut të Lartësuar?

Vërejmë se Kurani Fisnik nuk e ka neglizhuar këtë dukuri, por i ka dhënë rëndësi shumë të madhe duke folur me qartësi dhe thjeshtësi rreth saj, madje na ka urdhëruar që ta ruajmë veten e mos ta vrasim atë. Kurani thotë: "...dhe mos e vritni veten." (Nisa, 29). Ky është urdhri hyjnor që nuk duhet kundërshtuar.

Mirëpo a mjafton vetëm ky imperativ për ta trajtuar këtë dukuri? Jo, për faktin se studimet bashkëkohore vërtetojnë për domosdoshmërinë e përhapjes së shpresës tek ata të dëshpëruar që synojnë vetëvrasjen, për domosdoshmërinë e bashkëveprimit me ta me mëshirë. Për këtë arsye, gjejmë qindra qendra të specializuara për shërimin dhe shpëtimin e atyre që anojnë drejt vetëvrasjes apo orvaten ta bëjnë atë.

Kësisoj, Allahu i Lartësuar e pason këtë urdhër me një lajm përgëzues për çdo besimtar. Ai thotë: "Vërtet, Allahu është i Mëshirshëm me ju." (Nisa, 29). Thirrje e mbushur me mëshirë, optimizëm dhe shpresë. Por, përse kjo thirrje?
Kur mësojmë se shkaku i shumicës së rasteve të vetëvrasjes është humbja e shpresës nga çdo gjë, atëherë arrijmë të kuptojmë rëndësinë e bisedës për mëshirën, veçanërisht në këtë vend.

A mjafton biseda rreth mëshirës dhe shpresës? Jo, sepse disa njerëz nuk iu përgjigjën thirrjes së mëshirës, por duhet frikësimi i tyre nga pasojat e vetëvrasjes. Shkencëtarët në hulumtimet e tyre vërtetojnë se për pengimin e vetëvrasjes patjetër duhet t’u bëhet me dije personave që anojnë drejt vetëvrasjes për rrezikun e aktit të tyre, për pasojat e tij dhe se ai është veprim i dhimbshëm dhe do të përfundojë me pasoja tragjike.

Kjo është një metodologji efektive në pengimin e tyre nga vetëvrasja. Këtë e ka bërë Kurani. Allahu i Lartësuar menjëherë në ajetin vijues thotë: "Këdo prej jush që e bën këtë përdhunisht dhe padrejtësisht, Ne, pa dyshim, do ta hedhim në zjarr. Kjo është shumë e lehtë për Allahun." (Nisa, 30). Medito këtë dënim hyjnor "do ta hedhim në zjarr", pa dyshim se me të drejtë është rezultat i frikshëm për këdo që bën orvatje për ta vrarë veten.

Nga këtu mësojmë se Kurani Fisnik nuk e ka neglizhuar këtë dukuri, por e ka trajtuar me trajtim ideal. Kësisoj, vërejmë përqindjen më të ulët të vetëvrasjeve në botën islame. Dhe kjo për shkak të mësimeve të Kuranit Fisnik. Përderisa Perëndimi vuan nga mosekzistimi i mësimeve dhe parimeve që do ta pengonin nga marrja e guximit për vetëvrasje, përqindja e vetëvrasjes tek ata është e lartë.

Ndërmjet mitit, shkencës dhe Kuranit

Në kohën e zbritjes së Kuranit kanë qenë të përhapura një sërë bindjesh te popujt. Prej këtyre bindjeve ka qenë edhe ajo se nuk duhet të flitet rreth vetëvrasjes sepse kjo e nxit personin drejt saj. Po të ishte Kurani fjalë e Muhamedit, lavdërimi dhe paqja e Allahut qoftë mbi të, të cilën ai e paska mbledhur nga mitet që mbizotëronin në kohën e tij, siç pretendojnë disa, do të ishte e udhës për të që të mos fliste rreth vetëvrasjes, në pajtim me legjendën që ndalon bisedën rreth kësaj dukurie.

Sikur të ishte Kurani fjalë e njerëzve siç pretendojnë, si është e mundur të mësohet se ilaçi efektiv për vetëvrasjen është dhënia e një doze mëshire dhe shprese për personin dhe në të njëjtën kohë një dozë frike nga pasojat e këtij akti? Si mësoi njerëzimi për ilaçin e vetëvrasjes para se ta zbulojnë atë shkencëtarët para katërmbëdhjetë shekujsh?

Ekzistimi i këtyre fakteve shkencore është argument i vërtetë për këdo që ka dyshim se Kurani është libër nga ana e Allahut të Lartësuar, i Cili thotë: "Thuaj: “Atë e ka shpallur Ai që di fshehtësitë e qiejve dhe të Tokës. Ai fal shumë dhe është Mëshirues.” (Furkan, 6)

Le të lexojmë tekstin hyjnor të plotë dhe të meditojmë, pasi është plot mëshirë: "Allahu dëshiron që t’ju sqarojë, t’ju udhëzojë në rrugën e të dërguarve të mëparshëm dhe t’jua pranojë pendimet tuaja. Allahu është i Gjithëdijshëm dhe i Urtë. Allahu dëshiron që t’jua pranojë pendimet tuaja, por ata që jepen pas epsheve, dëshirojnë që të largoheni krejtësisht nga udha
e drejtë. Allahu dëshiron që t’jua lehtësojë (barrët), pasi njeriu është krijuar si një qenie e pafuqishme. "O besimtarë, mos e përvetësoni pasurinë e njëri-tjetrit në mënyrë të palejueshme, përveç rastit kur ajo është tregti me pëlqim të dyanshëm dhe mos e vritni veten (dhe njëri-tjetrin)! Vërtet, Allahu është i Mëshirshëm me ju. Këdo prej jush që e bën këtë përdhunisht dhe padrejtësisht, Ne, pa dyshim, do ta hedhim në zjarr. Kjo është shumë e lehtë për Allahun. Në qoftë se ju u shmangeni gjynaheve të mëdha, që ju janë ndaluar, Ne do t’jua falim gabimet tuaja të vogla dhe do t’ju shpiem në një vend të nderuar." (Nisa, 26-31)

Në përfundim të këtij hulumtimi lutemi me lutjen e të Dërguarit të Allahut, lavdërimi dhe paqja e Allahut qoftë mbi të, me të cilën ai është lutur shpesh: "O Allah! Na ruaj prej dënimit Tënd, ditën kur do të ringjallen robërit e Tu!"

YouTube - Qendrimi i Shejkh Feuzanit rreth vetevrasjeve
https://www.youtube.com/watch?v=rGhkn...layer_embedded
-----
kur lejohet lufta
http://forum.feja-islame.com/showthr...fillohet-lufta