Alketës i është dobësuar intuita

Alketa Vejsiu, prezantuesja e njohur shqiptare, është dalluar gjithmonë për shijen e hollë në zgjedhjen e veshjeve të saj.
Por, mesa duket kohët e fundit, Alketës i është dobësuar intuita. Gjë që e ka dëshmuar nga spektakli në spektakël. Një Alketë të rritur në moshë, e sforcuar për të qenë më e pjekur sesa është, pamë në programin “Më shumë dashuri”.
Në fakt, për vetë formatin që ai kishte, rritja në moshë e Alketës ishte, le të themi, e pranueshme. Por, 26-vjeçarja Vejsiu duket se i zhgënjeu sërish fansat e saj për sa i përket stilit të veshjeve të saj në spektaklin që sapo ka nisur.
Asnjë gjë ndryshe nga programet e viteve ’90, e për më tepër një veshje aspak moderne. Urojmë që vërejtjen tonë miqësore Alketa ta ketë parasysh, në 10 puntatat e radhës së spektaklit.