Lenovo IdeaPad Y560

Në faqet zyrtare të prodhuesit Lenovo janë paraqitur fotografitë dhe specifikat e para të laptopëve të rinj 15.6 inçësh të familjes IdeaPad Y560.
Kompjuterët vijnë të pajisur me procesorët nga seria Core iX e Intel dhe atë në të tri versionet e mundshme - Core i3, i5 e i7, ani pse versionet ULV nuk përmenden.

Në këtë laptop maksimalisht mund të instalohen deri në 8 GB DDR3 RAM, e për grafikë përkujdeset ATI Mobility Radeon HD 5730 me një gigabajt memorie. Nga ky procesor grafik mos pritni shumë për lojërat që kërkojnë tepër, përkundër rezolucionit mjaft modest prej 1.366 x 768 piksela.

Në mënyrë standarde me kompjuterë vjen sistemi operativ 64-bitësh Windows 7 Home Premium, e në tregun amerikan do të kushtojë 950 dollarë, që nuk duket të jetë edhe aq i lirë për atë që ofron.