Rifreskohet linja e laptopëve Satellite Pro

Laptopët e rinj afaristë nga linja e Satellite Pro e prodhuesit Toshiba vijnë me përzgjedhje më të madhe të diagonaleve të ekranit.
Toshiba ka paraqitur në tregun evropian nja varg modelesh të reja në linjën e vet Satellite Pro. Modelet e reja vijnë me platforma të Intel dhe AMD si dhe ekrane me ndriçim LED të prapavijës.

Modeli L630 është me diagonale 13.3 inç, C650, C650D e L650 janë prej 15.6-inçësh, e L670 e 670D kanë ekrane me diagonale prej 17.3-inçësh. Në përzgjedhje janë procesorët 32-nanometërsh Core i3 e i5 të Intel, si dhe procesorët 45-nanometërsh Athlon II të AMD-së.

Laptopët mund të pajisen deri në 8 GB RAM maksimalisht, disk pre 640-gigabajt, DVD apo Blu-ray, si dhe grafikë të integruar të Intel, respektivisht ATI Mobility Radeon HD 5145.

Të gjitha modelet vijnë me sistem operativ Windows 7 Professional, e në shitje në tregun evropian dalin deri në fund të muajit. Çmimet nuk janë bërë publike.