Cana do e ndjekë Botërorin në TV

Nuk do të jetë në Botëror as si tifoz, por kjo nuk e ka penguar Lorik Canën të analizojë skuadrat në Kupën e Botës 2010.
Duke folur dje për mediat angleze, mesfushori i kombëtares shqiptare nuk e sheh Spanjën si favoriten kryesore, ndërsa thotë se Franca mund të jetë surpriza dhe Anglia do të shkojë deri në katërshe.
Duke qenë një nga lojtarët kryesorë të kombëtares shqiptare, mesfushorit të Sandërlendit i vjen jo pak keq që s’do të marrë pjesë në këtë turne.
“Do t’i shoh ndeshjet në televizion, – ka thënë ai. – Në vitin 2006 isha në Gjermani, por Afrika e Jugut është pak larg për të udhëtuar.
Është evenimenti më i madh i futbollit, por për mua do të jetë e vështirë që të luaj ndonjëherë. Megjithatë, asnjëherë nuk i dihet
“, shprehet mesfushori shqiptar. Cana pranon se do të bëjë tifozllëk për Francën dhe se ka shumë shokë që do të luajnë në Botërorin e këtij viti.
“Unë njoh shumë nga lojtarët e Francës, kështu që do të mbështes ata mbi të gjithë”. Në lidhje me Portugalinë, ai mendon se ajo nuk ka shumë shanse.
“Portugalinë dhe Danimarkën unë i kam pasur në grup. Portugalia ka shumë lojtarë të mëdhenj, por në dy ndeshjet me ne, te njëra barazoi dhe te tjetra fitoi në fund. Nëse e ke të vështirë të mundësh Shqipërinë, atëherë nuk mund të bësh gjë në Botëror, deklaron Cana.