Iron Man 2 merr kreun e box-office

Filmi “Iron Man 2” ka bëjë bujë nëpër kinematë amerikane duke shënuar hapjen e pestë më të mirë në historinë e filmave me 133.6 milionë dollarë të fituara këtë vikend.
Vazhdimi i hitit të vitit 2008, ku në rolin kryesor luan Robert Downey, Jr., ka dominuar kinematë amerikane kur Amerika festoi Ditën e Nënave të dielën. Filmi i dytë Iron Man la në hije filmin e parë që kishte debutuar me 98.6 milionë dollarë në vitin 2008.

Megjithatë rekordi mbetet te “The Dark Knight” që në vitin 2008 filloi vikendin me 158.4 milionë dollarë të fituar. “Iron Man 2” qëndron edhe prapa “Pirates of the Caribbean: Dead Man's Chest”, që është i katërti në listën e debutimeve më të mira me 135.6 milionë dollarë, kur u hap në vitin 2006.

Filmi i parë i javës së kaluar, “A Nightmare on Elm Street”, ra në pozitë e dytë këtë vikend me 9.1 milionë dollarë, derisa hiti i animuar “How to Train Your Dragon” mban pozitën e tretë me 6.7 milionë dollarë