Kohëzgjatja e baterisë së iPad

Kur ndonjë kompani paraqet produkte të reja të saj ato zakonisht paraqesin pohime paksa të tepruara për performansat e tyre. E kur bëhet fjalë për pajisjet mobile zakonisht teprohet me mundësinë e punës së pajisjes me një mbushje të baterisë.
Kështu, drejtori ekzekutiv i kompanisë Apple Steve Jobs kur e kishte paraqitur pajisjen iPad pati deklaruar se me një mbushje të baterisë kjo pajisje, e cila karakterizohet për ekranin e saj LCD, mund të ofrojë 10 orë punë të pandërprerë.
Analistë të shumtë janë pajtuar se Jobs po e tepronte me ekzagjerime, ani pse para disa ditësh ka ardhur edhe deklarata e tij zyrtare e cila vërteton fjalët e tij paraprake dhe konfirmon se bateria e iPad mund të ofrojë 10 orë punë të pandërprerë.