Modelit Adamo XPS i vjen fundi

Ultra-laptopi i kompanisë Dell me procesorin ULV nuk gjendet më në ofertën e kompanisë, ani pse shitja e tij ka filluar gjatë muajit dhjetor të vitit të kaluar.
Pa përmbushur ende katër muaj të plotë, Dell ka larguar nga oferta e vet laptopin kontrovers Adamo XPS. Pasisja ishte paralajmëruar në tetor, mirëpo shitja e tij kishte filluar në dhjetor, e ky kompjuter më nuk gjendet në faqet e kompanisë Dell, por vetëm në sasi të vogla të distributorëve të caktuar në Shtetet e Bashkuara të Amerikës.

Adamo XPS ishte bërë i njohur për dizajnin shumë specifik të shtëpizës e cila kishte vetëm 0.4 inç trashësi, por edhe për shkak të çmimit fillestar prej 1.999 dollarësh. Baza harduerike e tij është procesori ULV i Intel me takt punues prej 1.4 GHz (Core 2 Duo SU9400), 4 GB DDR3 memorie dhe disku SSD prej 128 gigabajt.
Arsyetimi i kompanisë Dell për këtë dukuri është se bëhet fjalë për një model të kufizuar (Limited Edition) ani pse më herët nuk ishte deklaruar ashtu, dhe i cili do të duhej të shërbente si demonstrim i aftësive dizajnuese dhe inxhinierike të kompanisë