Baxhanaku i Berishës numëronte municionet

• Muhamet Hoxha kishte marrëdhënie dhe raportonte direkt vetëm te drejtori i fabrikës dhe Mihal Delijorgji”. Kështu deklarojnë punëtorët e mbijetuar nga shpërthimi në fabrikën e Gërdecit Version multimedial i ketij lajmi

Baxhanaku i kryeministrit Berisha qe humbi jeten ne tragjedine e Gerdecit ka patur nje rol kyc ne fabriken e Gerdecit dhe jo te nje punetori te thjeshte. Ndërsa kryeministri u shpreh në parlament se Muhamet Hoxha ishte vetëm një shofer, dëshmitë e punëtorëve të tjerë te fabrikes i japin këtij personi një rol krejtesisht të ndryshëm, atë të numëruesit të arkave me municione që hynin në fabrikën e Gërdecit. Pra një detyrë të besuar, e konfirmuar edhe nga deshmite e punetoreve se Muhameti kishte si pika referimi vëtëm drejtorin e Alb-Demil dhe pronarin e saj, Mihal Delijorgji . Kryeministri Berisha deklaroi ne Kuvend se baxhanaku i tij eshte nje punetor i thjeshte qe punonte per buken e gojes.
Por dy punetore te fabrikes kane treguar per News 24 se Muhamet Hoxha nuk ishte nje punetor i thjeshte por kontrollonte sasite e municioneve qe hynin ne Gerdec.
Nje tjeter punetor tregon se e ka njohur Mehmetin vetem nga foto e publikuar ne Gazeten Shqiptare pasi ne fabrike ai i eshte prezantuar me emrin Xhimi.
Mehmet Hoxha ishte nder viktimat e para qe u deklarua nga vete kryeministri Berisha vetem pak ore pas tragjedise. Duke bere te ditur emrin e tij kryeministri Berisha nuk tha se ai ishte baxhanaku i tij.
Kryeministri Berisha prej disa ditësh tenton të tregojë se nuk e dinte se ekzistonte fabrika ku punonte baxhanaku. Por nga ana tjeter dëshmitarët tregojnë se baxhanaku i Berishës në Gërdec kishte rolin e kontrolluesit të ngarkesave me municione që hynin në fabrikë. Jetonte gjithë ditën në atë impiant, e megjithatë kryeministri deklaron se nuk dinte asgjë për fabriken dhe kushtet e punës.

Shefki Sefaj tregon se me Muhamet Hoxhën, baxhanakun e Berishës, pinin kafe shpesh, madje kthenin dhe ndonjë gotë te klubi që ndodhej 100 metra pranë fabrikës. “Xhimi” nuk përzihej dhe nuk komunikonte me punëtorët, por duket se mes tyre kishte gjetur Shefkiun, me të cilin duket se kanë biseduar goxha gjatë.
Ju keni qenë punëtor në këtë fabrikë?
Unë kam dhjetë muaj që punoj në fabrikën e Delijorgjit dhe drejtor kishim Dritan Minxollin. Ata na kanë shfrytëzuar në masë si punëtorë, na kanë dhënë pagesa shumë të ulëta. Kam qenë nevojtar, që kam punuar për fëmijët e familjen time.
Ju e patë me sytë tuaj ngjarjen?
Po, sepse jam ndodhur brenda fabrikës. Kam parë shumë shkatërrime, dhe vetë jam i shkatërruar psikologjikisht. Unë kam pasur motrat e mia, dhëndrin, dhe vetë kam qenë atje prezent. Kam bërë katër minuta për të vajtur tek shtëpia ime, për të marrë fëmijët dhe për t’i vendosur në bunker, se kam qenë i shkatërruar totalisht. Mendja më rrinte te fëmijët. Unë kam pasur motrat aty dhe nuk shkova t’i jepja ndihmë, sepse më parë kam shkuar te fëmijët.
Delijorgjin e njihje personalisht?
Po, kam pirë një kafe para se të ndodhte tragjedia.
Çfarë keni biseduar me Delijorgjin?
Me Delijorgjin kam biseduar se do të vinte një sasi e madhe fishekësh, nga 14.5 dhe 12.7 dhe prodhimi 36, që ka qenë armatim i lehtë, nga armatimi i pushkëve dhe automatikut. “Do mbarojmë këtë sistem, - më ka thënë mua, - me shkarkimin dhe çmontimin e fishekëve të fabrika, pastaj do vazhdojmë me një sistem tjetër”.
Keni punuar më parë me armë?
Për herë të parë kam punuar në Rinas, te çmontimi i fishekëve, ku është bërë transportimi nga Rinasi në drejtim të vendeve të tjera në Afganistan. Kam paketuar fishekë që tregtoheshin drejt Afganistanit. Nga atje kam ardhur tek fabrika që u ndërtua ne Gërdec.
Po Muhamet Hoxhën e keni njohur?
Si emër dhe mbiemër s’e kam njohur, pra Muhamet Hoxha, pasi ai prezantohej gjithmonë me emrin Xhimi. Kam pirë shumë kafe me të, dhe më thoshte gjëra të ndryshme të paleverdishme, jam nga Kosova dhe Tropoja.
E dinit nga ishte, flisnit për të?
Më thoshte se kam qenë në Angli. Kam bërë tregti armësh, kam shitur nga Tropoja, Kosova, por asnjëherë s’e besoja.
Trafik armësh, në ç’vend?
Unë kam shitur, thoshte, në Kosovë, Afganistan, por s’e besoja. Pinim ndonjë gotë.
Në çfarë lokali qëndronit?
Te lokali afër punës, 100 metra afër fabrikës, kur bënim këto debate.
Muhameti, çfarë funksioni kishte në fabrikë?
Ai funksiononte si numërues arkash, që vinin nga makinat e ushtrisë, nga Skrapari, nga Tepelena, nga Ullishja e Elbasanit, Gramshi, nga të gjitha rrethet. Ai numëronte arkat. Aty kishte shumë numërues, që ishin nga Ministria e Mbrojtjes. Numëruesit paguheshin nga Ministria e Mbrojtjes. Ne paguheshim nga direkt nga Dritan Minxolli, se Delijorgji nuk vinte për t’u marrë me punëtorët, se çfarë bënin ne.
Me kë shoqërohej Muhamet Hoxha?
Muhamet Hoxha shoqërohej me personat që numëronin arkat, s’ua mbaj mend emrat, se jam i stresuar.
Dini gjë kush është ky?
Mësova pas ngjarjes se është baxhanaku i Berishës.
Më parë s’e dinit?
Jo, por vetëm kur pashë fotografinë në gazetë e mësova kush ishte. S’e dija kush ishte, ngaqë s’na tregonte emrin e vërtetë.
E keni takuar këtë person ditën e tragjedisë?
Po, ka qenë brenda në fabrikë. Di që ka marrë flakë makina e tij, që ishte e ndezur, se po dëgjonte lajmet. Në moment ka shpërthyer baruti dhe ka marrë flakë makina nga mbrapa. Ka pasur një “Opel” ngjyrë bojëqielli, me targa Tirane. Më pas s’kam parë gjë, se kam kapërcyer llamarinat dhe kam ikur drejt familjes sime.
E mbani mend targën e saktë?
Jo, targën e saktë s’e mbaj mend. Kishte pak kohë që e kishte blerë.
Sa kohë kishit që e njihnit Muhametin?
Katër muaj kisha që e njihja.
Nuk dyshoni mos është ndonjë person tjetër?
Jam tepër i bindur se është ai, pasi kam pirë disa herë kafe.
Si kanë qenë marrëdhëniet e tij me punëtorët?
Ai nuk shoqërohej me punëtorët. Ai komunikonte vetëm me Dritan Minxollin dhe Mihal Delijorgjin. Nuk shfaqej mes nesh.
Prej sa kohësh punonte në këtë ndërmarrje?
Prej katër muajsh. Më thoshte që kam jetuar ne Angli, kam pasaportë angleze. Por s’e dija se është baxhanaku i Berishës. Ai duhet të tregonte emrin e vërtetë, sepse e kam respektuar si vëllain tim.
Ju mendoni se identitetin e vërtetë nuk ua tregonte dhe kolegëve?
Mendoj se nuk ua ka treguar identitetin e vërtetë dhe kolegëve që numëronin arkat e municioneve.
Çfarë bisedonit zakonisht?
Na thoshte që kam tregtuar armë në Kosovë në Maqedoni. Por pavarësisht bisedave, s’e kam mësuar emrin e tij të vërtetë dhe më ka ngelur peng në zemër, pasi e kam respektuar si vëlla. Më ka thënë që kam një pallat dhe i kërkoi dhe vëllait tim t’i rregullonte ballkonin. Por vëllai nuk vajti, ngaqë ishim të zënë me punën në fabrikë.
Pse mendoni se e fshihte identitetin?
S’e di, nuk di ta analizoj.

Lajmin e mora te Gazeta shqiptare.