Foto Te Xhamive

Hyrja dhe të vizituarit e kësaj Shtëpie të Zotit të Madhërishëm mund të bëhet gjatë kalimit pranë saj, gjë që kjo vizitë mund të ndikojë në pastrimin shpirtëror të muslimanit, i cili kur e viziton këtë xhami e përkujton udhëzimin dhe moralin e lartë të Pejgamberit SalAll-llahu Alejhi ve Selem, historinë e tij të ndritshme, e cila është e mbushur përplot rreze udhëzimi për atë se si duhet të organizohet shoqëria muslimane për të ecur në rrugë të drejtë, në rrugën e mbarë, në rrugën e islamit. Gjithashtu, është një moment i veçantë i kënaqësisë kur ke parasysh se po shkel në po atë tokë ku ka shkelur fytyra më e dritshme e mbarë njerëzimit - Muhamed Mustafaja SalAll-llahu Alejhi ve Selem.

Ata që e vizitojnë këtë xhami është mirë që kur të arrijnë në vendin e quajtur Err-rrevda sherife (vendi ku është falur Pejgamberi SalAll-llahu Alejhi ve Selem dhe ku gjendet varri i tij) dhe përderisa kalon pranë varrit të ndritshëm të Pejgamberit a.s., t’ i japë selam atij me zë të ulët duke thënë “Es-selamu alejke ja Resul-Allah. Eshhedu en la ilahe il-lallah, ve eshhedu in-neke abduhu ve resuluhu”, që dmth: Paqa qoftë mbi ty o i Dërguari i Allahut, dëshmoj dhe deklaroj se nuk ka zot tjetër që meriton adhurimin përpos Allahut dhe se ti je rob dhe i dërguar i Tij.

Po ashtu, është mirë që të merret një qëndrim paksa në të djathtë dhe t’i jepet selam edhe Ebu Bekrit dhe Omerit r.a. të cilët që të dy janë të varrosur pranë varrit të Pejgamberit SalAll-llahu Alejhi ve Selem.

Të theksojmë se gjatë qëndrimit në Medinen është mirë që namazet të falen rrevda sherif.

DHE FALËNDEROJE ALL-LLAHUN QË NË FILLIM E DERI NË MBARIM TË JETËS SË KËSAJ BOTE.