Noizy fillon të mbajë premtimin - 30 këngë për një muaj

nga Binni Fri Sep 03, 2010 6:51 pm

Reperi i popullarizuar Noizy ka premtuar se do të realizojë nga një këngë çdo ditë gjatë muajit shtator, dhe kështu edhe ka ndodhur në dy ditët e para të muajit.
Këngëtari kohëve të fundit ka realizuar këngë që janë pritur shumë mirë nga publiku. Ai ka bërë për vete shumë fansa me muzikën e tij dhe për t’i falënderuar ata për mbështetjen e dhëne, ai ka vendosur që tu bëjë befasi gjatë muajit shtator.
Në një intervistë të tij ai ka treguar, se po punon për publikimin e disa këngëve të reja. Me saktësisht, 30 këngë.
”Kam përfunduar shumë këngë dhe në muajin shtator do të publikoj çdo ditë një këngë të re falas në Youtube, që do të thotë 30 këngë për 30 ditë”, ka treguar Noizy.
Duke shfletuar YouTube duken dy publikime të Noizy në dy ditët e para të muajit dhe që të dyja realizime të përbashkëta me Varrosi-n. Kënga e parë e publikuar në ditën e parë të muajit shtator titullohet “Femër çdo shtet” ndërsa tjetra e publikuar në ditën e dytë mban emrin “Can't Do Shit”.
Të presim e të shohim nëse ky rritëm do të vazhdojë edhe në ditët tjera të muajit!