Gjeniu 15 vjeç regjistrohet në Cambridge

Djaloshi 15 vjeç i cili kurrë nuk ka shkuar në shkollë u bë studenti më i ri i Universitetit prestigjioz Cambridge në 200 vitet e fundit.

Arran Fernandez, gjeniu i matematikës, është arsimuar në shtëpi. Atë e ka edukuar babai i tij Neil i cili është krenar që djali i tij është pranuar në kolegjin Fitzwilliam që është në kuadër të Universitetit Cambridge.

“Jam i lumtur që jam pranuar në Cambridge, por jam mësuar të arrijë rezultate të mira dhe të jem gjithmonë më i riu”, tha Arran i cili në moshën 5 vjeçare mori diplomën e shkollës së mesme.

Djaloshit gjeni i është ofruar një vend në Universitet me kushtin që të arrijë rezultat të shkëlqyeshëm në testin e fizikës, gjë që edhe ia arriti. Vitin e kaluar po ashtu realizoi rezultat të shkëlqyeshëm nga matematika, ndërsa nota të mira mori edhe në testet e gjuhës angleze dhe franceze.