Asus do te lancoje ultralaptopin S101

Prodhuesi tajvanez i kompjuterëve “Asus” së shpejti do të lëshojë në treg ultralaptopin S101, kanë njoftuar në Taipei. Kompjuteri S101, i cili ende është në fazë të prototipit, është shumë i hollë, mes 1.6 dhe 2.1 centimetra, derisa trashësia e paraardhësve të tij ka qenë më e madhe për rreth dhjetë milimetra.

Ky kompjuter, pesha e të cilit do të duhej të ishte diç më e vogël se një kilogramë, përmban memorien SSD (Solid-State Drive) prej 32 dhe 64 gigabajt, procesor “Atom” të prodhuesit amerikan Intel prej 1.6 gigaherc dhe ekran prej 10.2 inçësh.

Pajisja, sipas thashethemeve elektronike franceze, do të duhej të paraqitej në treg kah mesi i muajit shtator të këtij viti me çmim në mes 699 e 899 dollarë (apo 450 e 585 euro).

Kompania “Asus” planifikon që me ofertën e kompjuterit S101 t’i joshë blerësit të cilët duan të blejnë laptopë me performansa diç më të dobëta, por i lirë edhe ultra i lehtë.