Telefoni me i deshiruar i vitit del ne shitje

Xperia X1 aktualisht është celulari që është duke pritur me më së shumti padurim që të paraqitet në treg. Jemi duke e pritur për më shumë se gjysmë viti, derisa kompania Sony Ericsson më në fund ka bërë publike datën e daljes së këtij telefoni në shitje.

XPERIA X1 është celular i dizajnit specifik me mekanizëm rrëshqitës. Ka ekran 3-inçësh VGA dhe tastierë të plotë QWERTY. Me sistemin e integruar Windows Mobile, telefoni do tu ofrojë opsione të shumta.

Ballina e telefonit përbëhet prej nëntë paneleve të cilat mund t’i konfiguroni sipas dëshirës, dhe përmes tyre t’iu qaseni aplikacioneve tuaja.

Telefon ofron disa mënyra të navigimit. Atë mund ta udhëhiqni me prekje, me ndihmën e tastierës QWERTY, tastit navigues apo joystickut navigues.

X1 ka memorie të brendshme prej 400 MB e cila mund të zgjerohet me anë të kartelës microSD. Atë mund ta përdorni për shfletim të internetit, dëgjim të muzikës, organizim dhe zbavitje.

Me 30 shtator ai do të gjendet në shitje në Britani të Madhe, Gjermani dhe Suedi. Në tregjet tjera ky celular do të mund të blihet vetëm në tremujorin e katërt të këtij viti.

Burimi: Telegrafi