Korabi Shaqiri me album të dytë

Korab Shaqiri ka zbuluar se ai është duke punuar në finalizimin e albumit të tij të dytë, ndërsa paralel me këtë është fokusuar edhe në vazhdimin e studimeve të magjistraturës.

“Plan i im i ardhshëm është albumi i dytë ku dhe po punoj në atë drejtim dhe po i finalizoj këngët e shumta të cilat i kam punuar gjatë këtij viti.

Po ashtu jam duke vazhduar pjesën e dytë të magjistraturës ku në vitin e ardhshëm pres të magjistroj”, ka thënë Korabi për Telegrafi.com

Korabi ka zbuluar se nuk do të jetë pjesë e festivaleve të sivjetshme sepse nuk ka asnjë këngë të kompozuar për stilin e tyre.

“Nuk mendoj të jem pjese e festivaleve, për arsye se nuk kam asnjë këngë të kompozuar për stilin e festivaleve. Por në momentin kur do të kem, patjetër se do të jem pjesë e tyre”, ka shtuar këngëtari./