Nje vajze-robot, ndihme per te moshuarit

Duket si një vajzë 5-vjeçare shumë e dashur. Quhet Repliee R-1, ka lëkurë të pastër dhe të lëmuar. Por është krejtësisht e veshur me silikon dhe mban në trup mijëra mikrocipe, që e ndihmojnë që reagojë njësoj si qeniet njerëzore, edhe pse është vetëm një robot.

Ajo u ndërtua nga një grup kërkuesish të departamentit që merren me robotët në Universitetin e Osaka-s, që më pas bënë edhe prezantimin: bëhet fjalë për një ‘krijesë’ nga më realistët në llojin e vet.

Ajo është ndërtuar e tillë, që të mund të hyjë në kontakt me të moshuarit dhe të ndihmojë handikapët në jetën e tyre të përditshme, madje edhe të mësojnë leksionet e shkollës. Kjo, sepse ndër cilësitë e tjera, asaj i kanë dhënë edhe dhuratën e fjalës. Nuk është ndonjë bashkëbiseduese shumë e mirë, pasi thotë pak fraza, por që sipas shkencëtarëve e gatshme të të vijë në ndihmë.

“Vumë re se duke hyrë në kontakt me të, njerëzit e trajtojnë si të ishte një vajzë prej vërteti”- thanë shkencëtarët. Sipas tyre, Repliee R-1 është versioni i fundit i robotëve mbi të cilin një grup inxhinierësh japoneze po punonin që nga viti 2003

Pas sukseseve me prodhimet e para, shoqëria “Cyberdyne Inc” ka njoftuar së do të nisë prodhim në seri të vajzës robot.