Goditjet e fundit te gjigantit te dikurshem

Pas rezultateve katastrofale të afarizmit për tremujorin e tretë të këtij viti, në të cilin ka shënuar 397 milionë dollarë humbje, kompania Motorola ka paralajmëruar rreth 3.000 largime nga puna, prej të cilave shumica vijnë nga njësia e prodhimit të celularëve.

I mbajmë mend kohët kur Motorola ka qenë rekord botëror numër një në botë dhe pothuajse e paprekshme në tregun e Shteteve të Bashkuara të Amerikës, mirëpo edhe përkundër faktit se ende mban pozitë solide në treg, nuk arrin që këtë ta shndërrojë në profit. Pas lajmërimeve se e tërë njësia për prodhimin e celularëve do të mund të shitej, duket se situata është bërë edhe më e keqe dhe se askush nuk dëshiron ta blejë sepse thjesht humbjet janë tepër të mëdha.

Motorola do të largojë nga puna 3.000 punëtorë, kryesisht nga kjo njësi, dhe do të fokusohet në prodhimin e celularëve të bazuar në platformën Android nga Google. Shitja e tërë njësisë ende nuk është përjashtuar, mirëpo në gjendjen në të cilën është asnjë kompani nuk do të bënte investime kapitale. E kur kjo situatë të merr fund, ndoshta do të jetë tepër vonë.