Mihrije Braha: Nuk do adoptojmë fëmijë

Këngëtarja dhe ikona e muzikës kosovare, Mihrije Braha, ka deklaruar se prononcimi i bashkëshortit të saj, Naim Abazit, se ai dëshiron të adoptojë një vajzë 18 vjeçare, ishte thjesht një shaka.

“Naimi bëri thjesht shaka. Kur e adopton një vajzë 18 vjeçare, atëherë ajo është mjaft e rritur. A mund të prisni fëmijë nga ne në të ardhmen? Jo!”, theksoi këngëtarja.

Deklarata e Naim Abazit ka zgjuar polemika të shumta në qarqet e estradës kosovare, si një ide mjaft kontroverse kjo e një prej shoumenëve më të suksesshëm kosovarë. Naim Abazi dhe Mihrije Braha kanë vetëm një djalë, Platorin.