Tyra Banks siguron një ndalesë për ndjekësin e saj

Tyra Banks ka siguruar një urdhër-ndalesë të përkohshme për një ndjekës, për të cilin ajo thotë se e ka terrorizuar për katër vite.

Bukuroshja 36-vjeçare frikësohet nga Marten Williams Jr. (39-vjeç) dhe i ka thënë policisë se ai e ka “terrorizuar” familjen e saj në katër vitet e fundit.

“Jam e frikësuar nga z. Williams për sigurinë time personale dhe për ata rreth meje, duke përfshirë familjen time dhe të punësuarit”, shkruan në dokumentet e paraqitura në Gjykatën Supreme të Los Angelesit.

Sipas Banks, ndjekësi i saj beson se e ka vrarë George Bush Jr. dhe beson se Michael Jacksoni është gjallë dhe jeton në Long Beach.

Ajo thotë se Williams kishte shkuar në shtëpinë e saj në Beverly Hills për të lënë disa letra dhe gjësende frikësuese, ku mes tjerash gjendet edhe një njoftim për një ceremoni ku ai beson se do të martohet me Taran.

Williams u arrestua këtë muaj për shkelje të pronës së modeles, ndërsa pas shtrimit në psikiatri, ai u lirua.

Urdhër-ndalesa e përkohshme e detyron atë që të qëndrojë 100 metra larg Taras dhe familjes së saj, ndërsa është valide deri më 28 tetor, kur do të mbahet një seancë dëgjimore që kjo urdhëresë të bëhet e përhershme.