“Cars 2”- filmi më i shikuar i javës

Pas shumë përpjekjeve me disa filma që nuk kanë ecur mirë, shtëpia prodhuese filmike “Pixar Animation” ka rimarrë veten.

Prodhimi i fundit me veturat që flasin e ndiejnë, “Cars 2” është radhitur në vend të parë si filmi më i shikuar i javës. Animacioni ka mbledhur 68 milionë dollarë për vetëm dy ditë pas premierës në Los Angeles. Këtë fitim “Pixar…” nuk e kishte pasur që nga viti 1995, kur me filmin e parë të “Toy Story” kishte fituar 65 milionë dollarë për vetëm një fundjavë.

Përpos kësaj, pjesa e dytë e “veturave” ka mundur pjesën e parë, pasi që “Cars” i prodhuar në vitin 2006 për një vikend kishte arritur t’i mblidhte vetëm 60 milionë dollarë.

Ndryshe, në vendin e dytë të filmave që janë dhënë premierë këtë fundjavë është renditur filmi “Bad Teacher” me Justin Timberlike dhe Cameron Diaz në rolet kryesore. Filmi ka arkëtuar 31 milionë dollarë, ndërsa në vendin e tretë është filmi “Green Lantern” me vetëm 18,4 milionë dollarë