Boterori Atletikes, Gjermani 2009

Caster Semenya e Afrikës së jugut ka jetuar gjithë jetën si një grua, por pas fitores së garës 800 metërshe mbrëmjen e djeshme në Berlin gjinia e saj femërore është vënë në dyshim.

Kampionia afrikanojugore pati një garë të lehtë dhe vendosi një rekord të ri personal për 800 metrat, me kohën 1:55.45.

Shoqata Ndërkombëtare e Atletikës zbuloi mbrëmë se Semenya e ka kaluar verifikimin e gjinisë si në vendin e saj ashtu edhe mbasi mbërriti në Gjermani për të marë pjesë në Kampionatin Botëror të Atletikës. Tani ajo do të përballet me një hetim që do duhet javë të mbarojë, ku janë të përfshirë mjekë gjinekologë, endokrinologë dhe psikologë.

Drejtori i komunikimit pranë Shoqatës së Atletikës Nick Davies thotë se kjo është një çështje komplekse mjeksore dhe se Caster Semenya nuk akuzohet për pandershmëri. "Shqetësohemi që kjo të mos bëhet një ngjarje poshtëruese për të," thote Davies, "ndaj nuk mund të flasim shumë. Ajo është një qënie njerëzore që ka lindur dhe është rritur si femër, por që në pozicionin ku ndodhet sot, kjo po vihet në pyetje."

Nisur nga sa dihet shumë njerëz po spekullojnë se Semenya ka karakteristika hemafrodite edhe pse atletja nuk është prononcuar mbi këtë.

Këtë vit, tenistia gjermane 22 vjeçare Sarah Gronert që mori pjesë në turin WTA zbuloi se kishte lindur me organe gjenitale të të dyja sekseve dhe se në moshën 19 vjeçare kishte kryer operacionin dhe njihej tashmë ligjërisht si grua.

bolt osht i qart