Evolucioni i njeriut? Ka mbaru

Londër- Evolucioni human ka mbaruar. Për shekuj me radhë shkencëtarët dhe shkrimtarët e fantashkencës kanë kërkuar të gjejnë një identikit të Njerit të së ardhmes, duke e imagjinuar atë si superhero, ose si një ‘skllav’ të teknologjisë që do ta lejonin të jetonte pa lëvizuar një muskul, duke përdorur telekomanda të vëna në lëvizje nga forca e mendimit.
Por, teoria e fundit është më e thjeshtë: Njeriu i së ardhmes nuk do të jetë më i ndryshëm se ai i sotmi, sepse forcat që ushqheqin evolucionin, shkaqet natyrore dhe mutacionet genetike, duket se janë gati të ezauruara. Në këtë përfundim ka mbërritur një studim i fundit i “University College” në Londër.
Profesor Steve Jones, thotë se janë tre motive për të cilat nuk regjistrohen më mutacione të rëndësishme genetike: në pjesën më të madhe të historisë së njeriut, kushtet e jetës ishin kaq të vështira në tokë, sa seleksionimi natyral ka qenë shumë i fortë, ndërsa sot, progresi teknoligjik ka bërë të vetën dhe shumë gjera janë thjeshtësuar në aspektin e jetës e njëkohësisht ka rënë rezistenca.

Pastaj në erën e globalizimit, popujut e ndarë nga pjesa tjetër e botës gati nuk ekzistojnë më. Faktor i tretë, më i diskutuari në studimin e fundit, është fakti se gjithmonë e më pak ka meshkuj që bëhen baballarë në moshë të avancuar.

“Tek meshkujt, numri i ndarjes së qelizave të nevojshme për të arritur nga një spermatogjen deri në formimin e një spermatozoidi të pjekur rritet me kalimin e viteve. Herë pas here kur ka një ndarje ka mundësi që të ndodhin gabime gjenetike. Për një mashkull 29-vjeç janë verifikuar rreth 300 ndarje mes spermës së krijuar dhe asaj që kalon tek fëmija: cdo ndarje krijon një mundësi për gabime, mutacione ose ovolucione”- shpjegon kërkuesi, duke theksuar se pikërisht kjo gjë ul mundësinë për ndryshime gjenetike tek fëmijët.