TE REJA NGA VIPAT SHQIPTARE E TE HUAJ.......

Cruise dhe Holmes harxhojnë 20 milionë për gjashtë muaj

Aktori Tom Cruise dhe gruaja e tij Katie Holmes kanë harxhuar po thuajse 20 milionë dollarë që kur janë zhvendosur në New York, gjashtë muaj më parë.
Shumica e kësaj shume të harxhuar mendohet se ka shkuar në blerjen e tre apartamenteve të tyre në bllokun ku dyshja janë duke banuar.

Aktorja raportohet se po ashtu ka shpenzuar edhe në blerjen e pajisjeve të gjimnastikës, në gjëra për kujdes të fëmijëve, veshje dhe në ahengje.

Rihanna te familja e Brown për festa

Këngëtarja Rihanna për herë të parë i ka kaluar festat e fundvitit larg vendlindjes së saj, Barbados, edhe atë në shtëpinë e familjes së të dashurit të saj Chris Brown.
Bukuroshja 20-vjeçare në të kaluarën është kthyer në ishullin e saj tropik për të festuar pranë familjes, mirëpo këtë radhë ajo ka festuar në Goochland të Virginias ku jeton familja e Brown.

GN’R nuk do të fillojnë turne

Kitaristi i "Guns N’ Roses", Richard Fortus, ka mohuar se bendi është duke u përgatitur për një turne dyvjeçare.
Një gazetë amerikane kishte spekuluar se në mars të këtij vitit grupi i riformuar do të fillonte turneun për promovimin e albumit të tyre të shumëpritur “Chinese Democracy”, duke përfshirë edhe disa koncerte falas. Mirëpo, Fortus ka dhënë një deklaratë me ç’rast ka mohuar këto njoftime të pabaza.

“Siç duket jam keqinterpretuar sërish. Asnjëherë nuk kam thënë se GN’R do të fillojë një turne dyvjeçare apo do të mbajë koncerte falas”, është shprehur Fortus.

Shtyhet albumi i Love

Lansimi i albumit të ri të Courtney Love është shtyrë për muajin e ardhshëm për shkak të disa problemeve me studion incizuese.
“Nobody's Daughter” ishte planifikuar të lansohej në faqen zyrtare të këngëtares së muzikës rok më 1 janar, mirëpo për shkak të disa problemeve teknike albumi është shtyrë për shkurt.

“Studioja në të cilën Courtney dhe bendi i saj po incizonin ka pasur disa probleme teknike, kështu që është dashur të ndërrohen disa studio, pasi producenti Michael Beinhorn nuk ka qenë i kënaqur me zërin e incizimit”, ka thënë përfaqësuesi i Love.

Martesat më të përfolura të vitit 2008

Viti 2008 ka shënuar një sërë martesash të këngëtarëve dhe aktorëve tanë të njohur. Me një pompozitet të jashtëzakonshëm mediatike u përcoll ceremonia martesore e këngëtarit Meda me bukuroshen kosovare që jeton në Suedi, Luljetën. Ndërkohë, nga shumë media dasma e Ermalit është konsideruar si dasma më madhështore.

Në një ceremoni martesore private me afro 120 të ftuar, më 10 korrik të këtij viti është martuar ish-modelja kosovare Djellza Bunjaku me Virtyt Spahiun, djaloshin prishtinas që jeton në Angli. Edhe pse çifti kishte menduar që ceremonia mos të jetë publike, mediat ishin kureshtare për të kuptuar çdo detaj të martesës. Ashtu siç ishte marr vesh, për fustanin e nusërisë ishte përkujdesur stilisti kosovar Valdrin Sahiti, për flokët dhe grimin Selma, ndërsa për atmosferën e të pranishmëve që ishin grumbulluar në sallën e hotel “Victory” ishte përkujdesur grupi “NRG Band”. Pas martesës çifti kishte shkuar për disa ditë në Turqi për të kaluar muajin e mjaltit. Sipas informacioneve, Djellza dhe Virtyti kanë sjellë në jetë fëmijën e parë të tyre, e cila i takon gjinisë femërore.

Po ashtu, edhe martesa e Yllka Gashit me Albian Gagicën nuk mundi t’u shpëtojë mediave, ndonëse ajo ishte e mbyllur për media. Martesa u pat organizuar më 18 tetor në sallën e hotelit “Princi i Arbërit” në Prishtinë. Mysafirë në këtë mbrëmje kanë qenë rreth 300 veta, kurse mbrëmjen e ka madhështuar zëri i motrave Libohova. Siç është bërë e ditur bashkëshorti i Yllkës, Albiani është pronar i firmës Init Production e cila merret me disenje grafike. Ditët e mjaltit çifti i kishte kaluar në Nju Jork. Yllka vazhdon të jetë aktive dhe e suksesshme me rolin e Zanës në serialin “Familja Moderne”. Lajmet e fundit që vijnë për aktoren Yllka Gashi, thonë se ajo është në pritje të fëmijës së parë.

Një dasmë tjetër e cila ka bërë jehonë mediatike ka qenë edhe martesa a Jonida Maliqit me Gentin, biznesmen i njohur në Shqipëri. Edhe pse është munduar që ceremonia e dasmës të bëhet larg syrit të mediave, ajo nuk ka arritur ta bëjë një gjë të tillë. Menjëherë pas dasmës, fotot e ceremonisë dhe detajet nga dasma kanë mbuluar faqet e shtypit ditor. Jonida Maliqi, javë më parë në festivalin “Kënga Magjike” fitoi vendin e parë me këngën “Njëri nga ata”, të cilës ia ka bërë edhe videoklipin që pritet këto ditë të transmetohet në televizionet shqiptare.

Ndërkohë, nga shumë media dasma e Ermalit është konsideruar si dasma më madhështore e vitit 2008. Dy net dasmë, dy net gëzim për familjar, miq dhe shoqëri të familjes Fejzullahu, është kremtuar martesa e këngëtarit Ermal Fejzullahut, djalit të njërit prej këngëtarëve më të njohur shqiptar, Sabri Fejzullahut. Ermali është martuar me Ardiana Cakiqin. Pas natës familjare që ishte organizuar në hotelin “Victory”, të nesërmen më 20 tetor salla e hotel “Grand”-it ishte stërmbushur me personalitete të njohura të politikës, artit, kulturës dhe mediave kosovare. Shumë këngëtarë dhe miq të Ermalit nga Kosova, Shqipëria e Maqedonia kishin ardhur enkas për të bërë më madhështore këtë ceremoni martesore.

Ndërsa, me një pompozitet të jashtëzakonshëm mediatike u përcoll ceremonia martesore e këngëtarit të njohur Meda me bukuroshen kosovare që jeton në Suedi, Luljetën. Pas një lidhje afro dyvjeçare, çifti me gjashtë gusht organizoi ceremoninë e martesës së tyre. Shumë të ftuar ishin mbledhur në sallën e hotel “Grand” për të kremtuar gazmendin e familjes Pergjegjaj, ndërsa këngëtar zyrtar i mbrëmjes ishte Afrim Muqiqi pa i harruar edhe shumë emra të tjerë të estradës sonë kosovare. Meda pas dasmës së bashku me Luljetën kanë pushuar për disa ditë në Dubai për t’iu rikthyer sërish mbrëmjeve muzikore. Aktualisht çifti jeton në Gjermani.

Dasma që do ta përmbyllë këtë vit si duket ka qenë ajo e Saimir Tahiri, i cili i dha fund beqarisë. Pas shumë vitesh dashurie dhe një marrëdhënie të përkryer në çift, Saimir Tahiri, ish-zëdhënës i kreut socialist Edi Rama, aktualisht drejtor i fondacionit “Qemal Stafa”, i ka dhënë fund beqarisë për t’u lidhur në martesë me bashkëshorten e tij, Fatlinda. Një dasmë mjaft elegante, ku për gjithçka është kujdesur deri në detajin më të vogël. Gjithçka ka nisur mbrëmjen e para tri ditëve, në ambientet e lokalit luksoz pranë Partisë Socialiste, “Austria”, Çdo gjë iu besua “Geraldina Sposës”, e cila u kujdes edhe për arredimin e të gjithë ambientit. Ngjyrat që dominonin ishin e bardha dhe e gjelbra, në një kombinim të veçantë të përzgjedhur nga vetë nusja. Ajo që mbizotëronte nuk ishte muzika e fortë, që vendoset zakonisht në evenimente të tilla për të kërcyer e për t’u dëfryer, por për t’i qëndruar besnikë finesës, në sfond ka qenë një melodi e lehtë pianoje dhe violine, ndërsa të ftuarit gostiteshin me kokteile nga më të ndryshmet të përgatitura me mjeshtëri.

Michael Jackson eshte gjalle?

Michael Jackson është gjallë dhe ai lëviz me një shami në fytyrë , duke u hequr si një njeri që është djegur.

Këtë e shkruan faqja e internetit michaeljacksonhoaxforum.com, ndërsa në Youtube e Facebook shfaqet shpesh një video për të cilën shkruhet se Jackson ka qënë i ftuar në “Larry King Live” në 25 qershor, dita e vdekjes së tij.

Në fakt, gjithcka nisi me shfaqjen në këtë show të Dave Dave, të cilit në moshën 6 vjecare i ati i dogji fytyrën. Ai mbijetoi për mrekulli, ndërsa e ëma shkroi një libër që më pas u bë film. Një ditë ajo e coi të birin në Neverland ku fëmija u miqësua shumë me Michael Jackson, i cili e mori nën kujdes, duke e ndihmuar edhe në studime.

Kjo është historia zyrtare, por sipas thashethemeve në internet, është pikërisht Michael Jackson që fshihet pas fytyrës se Dave. Gjatë rrëfimit në CNN, Dave tha se kishte një marrëdhënie të vecantë me Michael, i cili nuk e kishte braktisur asnjëherë.

Shume forume sociale flasin për ngjashmëri të mëdha mes zërit të Jackson e Dave, madje edhe ngjyra e syve ështe ajo e ish mbretit te pop-it. “Michael Jackson mori pjesë në “Larry King Live” i maskuar si Dave Dave”, thotë për “The Sun” 28 vjecari administrator i faqes michaeljacksonhoaxforum.com.

Eliza Dushku e 26-ta nder 100 femrat më seksi në Amerikë
Revista amerikane “MAXIM” ka publikuar listën e 100 femrave më seksi në Amerikë, ku aktorja me origjinë shqiptare renditet në një vend goxha të favorshëm në vendin e 26- të duke lënë pas aktoren Hillary Duff, e cila gjendet në pozitën 27, aktoren e mirënjohur Angelina Jolie e cila ndodhet në vendin e 38- të. dhe po ashtu edhe Jessica Alba që në këtë listë bukuroshesh ka zënë vendin e 34- ët. Në këtë listë janë pozicionuar edhe këngëtarja Rihana e cila është në vendin e 6- të dhe tri vendet më të nxehta janë: Në vend të parë është Katy Perry, në vendit e dytë Brooklyn Decker dhe në vendin e tretë Zoe Saldana. Pavarësisht se nuk ka qenë e pozicionuar asnjëherë në vend të parë, Eliza nuk i ka munguar asnjëherë kësaj liste

flm

flm tina per kto postime me vler te madhe