Monroe, “shet” akoma dhe pas vdekjes së saj

Vlerësohet se 4.6 milion dollarë duhet të depozitojë dikush, që të varroset pranë yllit të kinematografisë Amerikane, Marilyn Monroe. Ankandi rrënqethës u realizua në rrjetin eBay. Ai i cili do të arrijë të paguajë shumën mbi 4.6 milionë dollarë, do të jetë dhe “fatlumi” që do të sigurojë një vend në të njëjtën lagje me Marilyn Monroe, në varrezat westwood village, të Memorial Park. Varret janë të ndara në shtylla, njëri mbi tjetrin, dhe ai që kishte “fatin” të ndodhej për pak kohë mbi varrin e Monroe ishte afaristi Richard Ponster, i cili u nda nga jeta në moshën 81 vjeçare para 23 vjetësh, por bashkëshortja e tij vendosi ta transferonte, me qëllim që të paguante një sasi të madhe parash për banesën e saj në Beverly Hills. “[b]Ja shansi, që të kalojmë në përjetësi, pikërisht mbi Monroe” premton reklama në faqen online eBay. Në këtë pikë duhet të themi se procesi i ankandit përfundoi, dhe tani e vetmja gjë që ka mbetur të mësojmë, është emri i “fatlumit”.