DALIDA, gruaja legjendë…

Jolanda Kristina Xhilioti ose ndryshe Dalida lindi në 17 Janar 1933 në Egjipt, prindërit e saj ishin me origjinë Italiane. I ati i saj ishte violinist në Operën e Kajros. Bukuroshja Dalida e filloi karierën e vet si modele në një agjensi mode , ndërsa në vitin 1955 u kurorëzua Miss Egjypti. Të njëjtin vit u transferua në Paris me qëllim që të realizonte ëndërrën e saj kinematografike, ndërkohë që me kalimin e kohës fitoi dhe nënshtetësinë franceze. Pa e braktisur aktrimin, shumë shpejt filloi të angazhohej me këngën, deri kur në 1961 erdhi suksesi i madh me këngën Bambino. Tashmë emri i Dalidës barazohej me suksesin, dhe admirimin e gjithëanshëm. Gjatë karierës së vet artistike Dalida bashkëpunoi me shumë emra të dëgjuar, tingujt e mrekullueshëm të këngëve të saja i tejkaluan kufijtë e vendit dhe u përhapën në të gjithë botën. Gruaja dhe artistja Dalida u vlerësua me 55 disqe të artë, dhe një prej diamanti. Shiti më shumë se 85 milion disqe në të gjithë botën. Por aktiviteti i saj artistik nuk ndalon këtu, ajo protagonistoi në 11 filma dhe 2 dokumentarë autobiografik. Midis këngëve të saja u veçuan Dirlanda, Darla dirladada, dhe Les enfants du Piree. Jeta private e Dalidës ishte po aq provokuese sa dhe ajo vetë. Duke qenë një femër shumë e bukur gjithmonë tërhiqte vëmendjen e meshkujve të rëndësishëm. Dalida jetoi dy dashuri të mëdha, të parën me këngëtarin Italian Luixhi Tenko dhe në vazhdim me prezantuesin Francez Risar Sanfre. Që të dy u vetvranë, fakt i cili e tronditi shumë këngëtaren e famshme Dalida. Fundi i saj, FATAL, ishte analog. Në 3 Maj 1987 Dalida u gjend e vdekur në apartamentin e saj, si rezultat i një doze të madhe qetësuesish që kishte marrë. Kishte lënë një shënim brenda të cilit shkruhej “Jeta ime filloi të bëhej e mërzitshme dhe e padurueshme. Më falni”.