“The Hurt Locker” fitues i BAFTA Awards

“The Hurt Locker” fitues i BAFTA Awards

“The Hurt Locker” ka marrë shkëlqimin e ndarjes së çmimeve britanike BAFTA Awards, gjatë të dielës mbrëma, duke fituar gjashtë trofe.
Filmi mbi lutën fitoi edhe çmimet kryesore si ‘Filmi më i Mirë’ dhe ‘Regjisori më i Mirë’, ndërsa edhe çmimet për skenarin, kinematografinë, editimin dhe zërin, në ceremoninë u mbajt mbrëmë në Royal Opera House të Londrës.
Colin Firth mposhti Jeff Bridges (për rolin në filmin “Crazy Heart”), George Clooney (“Up In The Air”), Jeremy Renner (“The Hurt Locker”) dhe Andy Serkis (për rolin në “Sex & Drugs & Rock & Roll”) për të fituar çmimin ‘Aktori më i Mirë” për rolin e tij në filmin “A Single Man”.
Carey Mulligan fitoi çmimin “Aktorja më e Mirë” për rolin në “An Education”, duke mposhtur rivalen e Hollywoodit, Meryl Streep (“Julie & Julia”), aktoren franceze Audrey Tautou (“Coco Before Chanel”), Saoirse Ronan (“The Lovely Bones”), dhe Gabourey Sidibe (“Precious”).
“Aktori më i Mirë në Rol Dytësor” u zgjodh Christoph Waltz për rolin në filmin “Inglourious Basterds”, ndërsa të njëjtin çmim për aktore e fitoi Mo'Nique për rolin në “Precious”./