Fjale te urta (Islame)

Fjale te urta (Islame)
Bismilah...
Te nderuar besimtar, ky link mund te na sherbeje qe te sjellim ketu fjale te urta, nga te paret tane te mire, nga Profeti a.s, e nga sahabet r.a., e te tjeret pas tyre qe i pasuan ne te mire.

shpresoj te kem mirekuptim dhe bashkepunim

p.s.:" Mendoj qe moderatoret duhet ta rezervojne kete teme vetem per muslimanet"

selam alejkum

Po filloj prap me librat e Ibn Kajjim el Xheuzijje, i cili ka permbledhur ne nje liber te Tij, fjale te te pareve tane te mire, si p.sh. Abdullah ibn Mesud.

Keto fjale jane te nxjerrura nga libri i tij El Feuaid, qe ne gjuhen arabe me kete fjale eshte per qellim dicka qe te kujtohet ne moment dhe e shkruan. Dhe ky liber eshte me dhjetra vollume e qe eshte perplot me el feuaid dhe nga e mer edhe emrin...

Thënie të Abdullah Ibn Mes'ud
el-Feuaid, f.162, e Ibn Kajjim el-Xheuzije



Një njeri në shoqërinë e Abdullah Ibn Mes'udit tha:"Nuk dëshiroj të jem midis njerëzve të Dorës së Djathtë, por dëshiroj të jem ndër Mukerebun [ata që do të sillen më afër Allahut]". Abdullah Ibn Mes'ud tha:"Por ja ku është një njeri i cili po të vdiste, do të dëshironte të mos ringjallej [nga frika ndaj Allahut]". Këtu e ka pasur për qëllim vetveten.


Një ditë prej ditësh, ai doli nga shtëpia dhe njerëzit i shkonin pas. Ai u tha atyre:"A mos po ju duhet diçka?" Thanë:"Jo, por duam të ecim së bashku me ty". Tha:"Kthehuni! Ngaqë kjo është çnderuese për atë që ndjek dhe një fitne [sprovë] për atë që ndiqet". Po ashtu tha:"Po të dinit për mua çfarë di për vetveten, do të hidhnit rërë mbi kokën time".



"Asnjeri prej jush s'bën ta ndjekë verbërisht [taklid] tjetrin për sa i përket fesë së vet. Nëse ai [që ndiqet] beson, beson edhe ai [që ndjek]; nëse ai mohon, mohon edhe ai. Nëse duhet ta ndiqni verbërisht ndonjërin, atëherë merrni si shembull ata që kanë vdekur, se vërtet ata që janë gjallë s'janë të sigurt nga fitneja [sprova]".


"Kërkoje zemrën tënde në tre vende:


1- Kur të dëgjosh Kur'an
2- Në rrathët e përkujtimit [të Allahut] [vendtubimet e diturisë, mexhliset] dhe
3- Kur të jesh i vetëm


Nëse nuk e gjen atë në këto vende, atëherë lute Allahun të të bekojë me dhënien e një zemre, se vërtet nuk ke zemër".



"Vërtet njerëzit janë bërë të zotë në të folur, kështu që ai, veprat e të cilit janë në përputhje me të folurit e vet do ta arrijë pjesën e vet të shpërblimit; ai, veprat e të cilit janë në kundërshti me të folurën e vet vetëm se e qorton vetveten".


"Vërtet besoj që njeriu harron diturinë që ka poseduar një herë e një kohë për shkak të një mëkati që ai bën".


"Dituri s'është të transmetosh/kallëzosh shumë, por dituri është frika [ndaj Allahut]".
"S'ka gjë mbi këtë faqe të dheut që meriton të burgoset më gjatë sesa gjuha".



Një njeri i tha atij:"M'i mëso disa fjalë që janë të qarta e të dobishme".

Ai tha:"Adhuro Allahun dhe mos i shoqëro ortakë. Paso Kur'anin për kudo që të drejton. Kushdo që vjen me të vërtetën, pranoje atë edhe nëse është i largët dhe ti e urren; kushdo që vjen me pavërtetësi, refuzoje edhe nëse është i afërm dhe i dashur për ty".



"Jini burime diturie, llamba udhëzimi të lidhura për shtëpitë e juaja, drita të natës, freskues të zemrave, veshja më e mirë/e pastër, të njohur në qiej e të panjohur për ata që janë në tokë".



"Për sa kohë që jeni në namaz, ju po trokitni në derën e një mbreti; kushdo që troket në derën e një mbreti, dera do t'i hapet".



"Do të ketë njerëz nga fundi i kohës të quajtur el-Netan. Vepra më e mirë e tyre do të jetë fajësimi i pandërprerë i njëri-tjetrit".



"Nëse njeriu dëshiron të jetë i drejtë ndaj vetvetes, le të sillet me të tjerët në mënyrën që dëshiron të sillen të tjerët me të".

Këshilla e Aliut, radiallahu anhu
el-Istikame

Kumeil Ibn Zijad ka thënë:"Ali ibn Ebi Talib më mori për dore dhe më çoi drejt shkretëtirës. Kur e mbërritëm atë, ai u ul, mori frymë thellë dhe tha:


"O Kumeil Ibn Zijad! Zemrat janë konteinerë, kështu që më e mira ndër to është ajo që ruan më të mirën. Pra, mbaje mend këtë që po ta them.


Njerëzit janë tre llojesh: Dijetari që është rabani1, ai që mëson duke qenë në shtegun e shpëtimit, dhe turma e ngatërruar që ndjek çdonjërin i cili thërret – duke u lakuar me çdo erë -, ata nuk janë të ndriçuar me dritën e dijes, e as që mbështetën në vend të sigurt.


Dija është më e mirë se pasuria. Dija është një mbrojtje për ty, ndërsa je ti ai që duhet ta mbrosh pasurinë. Zekati i dijes është vepra, ndërsa harxhimi e pakëson pasurinë. Dashuria ndaj dijetarit është pjesë e fesë. Dija sjell bindje për dijetarin në jetën e tij dhe e bën atë të ketë reputacion pas vdekjes, ndërsa dobia e pasurisë pushon kur ajo të vdesë. Grumbulluesit e pasurisë kanë vdekur ndonëse ata ende janë të gjallë, ndërsa dijetarët mbeten për sa kohë që të mbetet koha – vetet e tyre humbasin, por shembujt e tyre mbeten në zemrat.


Këtu, vërtet këtu [dhe ai tregoi nga gjoksi i tij], ka dije, vetëm sikur të mund të gjeja mbartës për të. Por, në vend të kësaj kam gjetur se ata kuptojnë shpejt, por s'janë besnikë. Ata përdorin atë çfarë i përket fesë për përfundime të kësaj bote. Ata përpiqen të përdorin dëshmitë e Allahut kundra librit të Tij, duke ndjekur verbërisht njerëzit e së vërtetës, por duke mos pasur mprehtësi/depërtim përsa i përket pranimit të saj.


Dyshimi i shpon zemrat e tyre kurdo që ngrihet ndonjë gjë e diskutueshme. Ata s'janë as kështu as ashtu. Ata nuk dinë ku gjendet e vërteta, dhe nëse gabojnë, ata nuk e dinë pse. Ata kanë rënë nxehtësisht në dashuri me diçka, gjendjen e së cilës ata nuk e dinë, kështu që ata bëhen një sprovë për të tjerët.


Dhe vërtet, e mira më e mirë është për njeriun të cilit Allahu ia ka dhënë të kuptuarit e fesë, ndërsa personit i mjafton si injorancë që ai nuk di rreth fesë së tij. Personi i tillë është i dhënë me pasion pas kënaqësive, i mësuar me ndjekjen e dëshirave, apo është ai që është dhënë pas grumbullimit të pasurisë. Njerëzit e tillë s'janë nga thirrësit e fesë, por ata gjasojnë më shumë me kopenë që kullos. Dhe kështu dija vdes me vdekjen e atyre që e mbartin atë.


O Allah, po! Toka s'do të jetë pa atë që qëndron i drejtë për Allahun me dëshmi, që dëshmitë e Allahut dhe shenjat e qarta mos të shfuqizohen. Ata janë të cilët janë të pakët në numër, por që kanë më së shumti vlerë tek Allahu. Me ta, Allahu shpall dëshmitë e Tij midis bashkëkohasve të tyre dhe kultivon ato në zemrat e atyre që janë të ngjashëm me ta. Me ta, dija mësyn dhe vjen në dritën e vërtetë, kështu që ata që janë mësuar me jetesë të lehtë gjejnë vështirësi në të. Ata gjejnë lehtë dhe ata janë të qetë me atë që u shkakton shtangie injorantëve. Ata jetojnë në këtë botë me trupat e tyre, ndërsa shpirtrat e tyre janë të ngjitur për gjëra më të larta. Ata janë përfaqësuesit e Allahut në tokën e Tij dhe thirrësit për në fenë e Tij. Ah, sa do të doja t'i shihja ata! Dhe kërkoj faljen e Allahut për vete dhe për ty. Nëse do, mund të shkosh".2

1. Rabani: Dijetar i cili vepron në pajtim me dijen e tij dhe ka mprehtësi të depërtojë në gjendjet e njerëzve, kështu që ai i ngre ata në çështjet parësore të dijes para çështjeve më të detajuara dhe të vështira.
2. Transmetuar nga Ebu Nu'ejm në "Hiljetul-Eulija" [1/79-80], el-Hatib el-Bagdadi në "el-Fekih uel-Mutefekih" [1/49-50] dhe Ibn Kethir në "el-Bidajeh uen-Nihaje" [9/47]

Kjo bote eshte tre dite;dje, sot dhe neser.Dita e djeshme kaloi .E nesermja nuk dihet do te vije apo jo.Pra vlersoje diten e sotme.

Njeriu i zgjuara eshte ai cili i ben llogari te perpara se te vdes dhe qe vepron ato pune te cilat do ti nevojitenaij pas vdkjes

Ai njeri qe nuk ka dituri, nk ka asnje vlere as ne kete bote e as ne tjetren(ahiret).

N.q.s nuk je zemer mir i humbet vlera mallit.Nese nuk e mban fjalen e dhene i humbet vlera shoqeris.

Falënderimi i takon All-llahut, Zotit të botëve. Paqa qoftë mbi të dërguarin e All-llahut, familjen e tij, shokët e tij dhe këdo që e pason udhëzimin e tyre deri në Ditën e Gjykimit.


Nese nuk ja ve veshin atij qe per te mire te keshillon, ateher ti cdo shejtan kundershar e pason.

Duro padrejtësinë që të është bërë e mos të interesojnë fjalët e pasuesve qe te vijne.

Ruaju pasimit të hapave të shejtanit dhe largohu nga çdo send i cila synon prishjen e moralit tënd dhe dëgjimit tënd, dhe largohu nga kjo sikur qe ikë nga luani.

Dëshmoj se nuk ka Zot tjetër që meriton të adhurohet pos All-llahut,

'Sa ngrehet grada e te menquritaq shtohet edhe thjeshtesia'
"Grada e injorantit le te jete sa do e larte perseri njerezit me sy te ulur ka per ti pare'
Dashuria e vertet mes dy shokeve eshte ajo dashuri qe nga ajo nuk pret as dobi dhe as dem"
"Gjeja me e qmuar tek njeriu eshte mendja.Puna qe nuk ben te pendohesh eshte pune e drejte dhe e paster"
Vecoria me e mir tek njeriu eshte drejtesia ne momentin kur eshte i nevrikosur, kur eshte ngusht doreleshimi dhe kur ka mundesi te denoj dicka ta fali"
(Idrrizi a. s)

Pastaj ata qe postojne fjale te urta Islame kishte qene mire te tregojne se kush i ka thene , Ai i ka thene Pejgamberi alejhiselam apo sahabet apo dijetaret apo hoxhallaret e ndryshem apo edhe vet ne si musliman.

Nese dikush e lut Allahun (3 her) qe ta dergon ne Xhennet, thote Xhenneti: „O Allah, lejoje ate qe te hyje ne Xhennetin e vet.“ Dhe nese dikush e lut Allahun (3 her) qe ta ruaje nga zjarri, zjarri thote: „O Allah, ruaje ate nga zjarri.“
__________________

Te nderuar lexues te rubrikes Mesime nga Kur'ani,

Pasi qe tema eshte fjale te urta islame, le te shkruajm fjale te urta islame, jo hadithe. Arsyeja e pare eshte se e kemi nje teme ketu vetem per hadithe te Profetit s.a.w.s. Fjale te urta mund te shkruajm thenjet, duke filluar nga sahabet,tabiijnet, tabiijn-tabijnet,dijetaret islam etj.
Arsyeja e dyte eshte se hadithet nuk jane fjale te urta.Ato jane fjale te Profetit s.a.w.s. te cilat nuk i ka then nga mendja e tij, por nga inspirimi-vahjun. Ai nuk ishte fillozof, as shkencetar. Por ishte profet i Zotit te gjithsis, sikurse edhe profetet tjere para tij. Profetet ishin njerz te zgjedhur nga ana e Krijuesit per te qen profet. Prandaj fjalet e Muhammedit s.a.w.s. le te jen atje te tema per hadithe. Ndersa fjale te urta jane; mendime te njerzve, te bazuar ne llogjike.
Besoj se jemi kuptuar te ndruar lexues. Dhe ne perfundim, si perkrahje te kesaj teme, do te shkruaj thenjen e imam Shafiut ku thot: Sikur Allahu s.w.t.a. te kishte zbrit ne toke vetem suren EL-ASER, (ka tri ajete)do te mjaftonte per krejt boten.

Mendjemadhesia eshte armiku me i madh i suksesit.(Ali fuad bashgil)
Deshperimi per kete bote ta erreson zemren, ndersa deshperimi per boten e amshueshme ta ndriqon zemren.(Hx Osmani)

Vdekja nuk eshte fatkeqesi.Fatkeqesia vertete eshte te mos jesh ne dijeni te atyre gjerave qe do tendodhin pas vdekjes'

Rruaju borgjit se borgji të poshtëron ditën dhe të shqetëson natën.


Rruaju nga hidhërimi se hidhërimi i ka shkatëruar zemrat e të mençurve.


Fjala jote le të jetë e ëmbël, fytyra jote le të jetë gëzuar dhe angazhohu që të jeshë i dashur pranë njerzëve.

Nese nderon Krijusin tend, i perkushtohesh me shpirt e ndijenja dhe me vepra e jo me fjal te kota qe i merr era,dhe nderon familjen tande,fqinjet tu dhe njerzit tjer per rreth,atehere je besimtar i mire.
Por nese vetem si pllaka e gervishtun e gramafonit perserit perralla,fjal kote dhe genjeshtra apo dhe lavdata per vehten,apo fyjen tjeret,atehere je vetem si ajo kanaqja e zbrazet qe ska as nji vler dhe as merit.je pleh i zbardhuem per jashta , dhe aty do perfundojsh.

'Kapitali me i madh eshte qe te kesh besim tek Allahu dhe mos i varesh shpresat tek njerezit'
'Besimtari flet pak dhe vepron shume, ndersa munafiku flet shume dhe punon pak'
'Qellimi i mire nuk eshte ti besh punet per te kenaqur njerezit ,por per te kenaqur Allahun'
'Shenja qe tregon se i frikesohesh Allahut,eshte te braktisesh gjynahet'
'Ne zemren e cdo kujt ka respekt per bamiresit dhe urrejtje per doreshtrenguarit'

Hasen el Basri ka thënë:
"Fjala nuk ka vlerë veçse e shoqëruar me vepër. Fjala dhe vepra nuk kanë vlerë veçse të shoqëruara me nijet. Dhe fjala, vepra dhe nijeti nuk kanë vlerë veçse nëse janë sipas sunetit (të Pejgamberit salallahu alejhi ue selem)." ["Sherh Usul Itikad...", El Lalikai]

Njeriun e mirë nderojë.................,Njeriun e keq duroje..

- Imam ibën Ujejne thotë: “Buzëqeshja është kurthi i dashurisë, kurse mirësia është gjëja më e lehtë; fytyrë e buzëqeshur dhe fjalë e mirë.”

- Ibën Ujejne thotë: “Para se të bëheshim imamë (dijetarë) qeshnim dhe luanim, por tani kur u bëmë nga ata që pasohemi nuk i shohim të lejuar për ne këto gjëra, për shkak se duhet të ruhemi (pasi janë pasqyrë për të tjerët).”

-Lukman Hakimi i thotë birit të tij: “O biri im! Zgjidhi mexhliset (tubimet) me syrin tend! Kur të shohësh një grup të njerëzve që e përkujtojnë Allahun ulu me ta , nëse ti je i dijshëm atëherë ty do të bëjë dobi dituria jote e nëse je i padijshëm, atëherë ata do të mësojnë ty. Ndoshta Allahu do t`i kaplojë ata me mëshirën e Tij dhe ajo mëshirë do të përfshij edhe ty. Kur të shohësh një grup të njerëzve që nuk e përkujtojnë Allahun ne tubim, mos u ul me ta, për shkak se nëse ti je dijetar, atëherë ty nuk do të të bëjë dobi dija jote e nëse je i padijshëm, atëherë ata do ta shtojnë injorancën tënde dhe ndoshta Allahu do t`i godasë ata me dënim, pastaj edhe ty do të godasë dënimi i tyre.”

-Thuhet për urtësinë gjatë ndalimin nga e keqja dhe urdhërimit të së mirës: “Le të jetë urdhërimi yt për të mirë me të mire, kurse ndalesa jote nga e keqja mos të jetë me të keqe.”

- Ali ibën Ebi Talibi thotë: “A dëshironi t’ju tregoj se kush është fakih (i dijshëm) me plotkuptim të fjalës?” Ata thanë po. Ai tha: “Ai njeri që nuk ua humbë shpresën njerëzve nga mëshira e Allahut, ai që nuk i mërzitë nga begatitë e Allahut dhe ai që nuk i siguron njerëzit nga dënimi i Allahut.”

- Gazaliu përmend një thënie të Sufjanit i cili i ka thënë shokëve te tij: “A e dini ju se çka është butësia?” Ata thanë: “Na thuaj, o Sufjan!” Ai tha: “Vendosja e secilës gjë në vendin e tij, ashpërsinë në vendin e tij, butësinë në vendin e tij, shpatën ne vendin e tij dhe kamxhikun në vendin e tij.”

Dashuria për dynjanë është larg dashurisë për ahiretin
"Ai që e njeh dynjanë do të largohet prej saj, ai që e njeh ahiretin do ta dëshirojë me gjithë zemër atë, e ai që e njeh Allahun do të dëshirojë vetëm kënaqësinë e Tij."
Ahmed ibn Ebi el Hauari
“Do të rehatohet ai njeri që ka hequr nga zemra dashurinë për këtë dynja, sepse nëse zemra boshatiset nga dashuria e kësaj dynjaje do të hyjë zuhdi në të dhe nëse hyn zuhdi do të pasohet nga grada e teuekulit tek Allahu.”
Ebu Hamza el Bagdadij el Bezaz
“Dallo midis asja që jep dhe që merr, se nëse ajo që të japin është më e dashur për ty, atëherë ti je i dashuruar pas kësaj dynjaje. E nëse ajo që ti jep është më e dashur për ty, atëhere ti je i dashuruar pas ahiretit.”
“Punova me Kuranin njëzet vite derisa e dallova dynjanë nga ahireti dhe këtë e thotë Allahu në ajetin e Kuranit: “Çdo gjë është kënaqësi e jetës së kësaj dynjaje dhe bukurive të saj, ndërsa ajo që është tek Allahu është më e mirë dhe e përjetshme.”
Shekijk el Belhij

Fshehtësia e asketizmit
I është thënë Hasan el Basriut: “Cila është fshehtësia e asketizmit (zuhdit) tënd në këtë botë?"
Tha: “E kam ditur që rizkun tim nuk mund ta marrë askush dhe mu qetësua zemra në të.
E kam ditur që punën time nuk e kryen askush dhe fillova të punoj.
E kam ditur që Allahu është i njohur për çdo gjë dhe u turpërova që ta takoj Atë me mëkate.
E kam ditur që vdekja më pret dhe u përgatita për takimin me Allahun.”

Zemra-vendi i së keqes dhe i së mirës
“Errësirat e zilisë ndalojnë depërtimin në zemër të nurit të largpamësisë.”
Ebu Abaz el Kasim Sejarij

“Ankesat dhe zemërngushtësia vijnë nga njohja e paktë e Allahut të Lartësuar.”
Ebu Muhamed Sheranij

“Ai që e ruan zemrën e tij me Allahun nëpërmjet sinqeritetit, Allahu do t’i dhurojë urtësi në zemrën e tij.”
Ebu Abaz el Kasim Sejari

Për mbështetjen tek Allahu
“Mbështetja tek Allahu është e plotë kur zemra jote është e qetë në premtimin që ka dhënë Krijuesi.”
Shekijk el Behlij
“Të mbështeturit tek Allahu është të mos njohësh sebepet, por Krijuesin e sebepeve.”
Ruejm bin Ahmed el Bagdadij
“Mbështetja tek Allahu është qetësia e zemrës për tek Allahu.”