Lohan e shqetësuar pas daljes së këngëve

Aktorja/këngëtarja Lindsay Lohan është duke shkumuar pasi ka zbuluar se muzika e saj e re ka shpërthyer në internet në mënyrë ilegale.
Lohan zbuloi planet për të lansuar albumin e saj të tretë, të titulluar ‘Spirit in the Dark’, që në vitin 2007 por projekti është shtyrë pasi ajo vendosi të pauzojë gjatë vitit 2008.

Ajo u rikthye në studio për të realizuar CD-në, por ka dështuar t’i ruajë realizimet të pazbuluara deri në kompletimin e materialit, dhe ka fajësuar persona të brendshëm për lansim ilegal të këngëve në internet.

“Nuk e di kush, por dikush po i lason këngët e mia! Po ju siguroj të gjithëve, NUK jam unë”, ka thënë Lohan në profilin e saj në Twitter.