Audi përgatit paketën S-line për modelin A1

Versioni më i vogël i Audi sapo është paraqitur publikisht në Gjenevë, e ky prodhues tanimë ka përgatitur paketën e pajisjeve S-line për ata të cilët dëshirojnë të individualizojnë automjetin e tyre.

Në Audi janë të vetëdijshëm se do t’u duhet të ofrojnë pajisje të pasura në përzgjedhje nëse dëshirojnë që në segmentin e automjeteve kompakte për qytet të konkurrojnë ndaj modelit Mini Cooper.

Tani për tani Audi në kuadër të paketës S-line ofron dy nivele të pajisjeve. S-Line Exterior e bën pamjen e jashtme të këtij automjeti të vogël nga Ingolstadti shumë tërheqëse falë mbrojtësve të ri me thithës më të mëdhenj të ajrit si dhe dritave më të errësuara.

S-Line Sport Package avancon edhe tiparet vozitëse, sjell enterier sportiv, timon dhe ulëse të mbuluara me lëkurë.

Paleta e motorëve tek modelet e S-line mbetet e njëjta sikur edhe tek A1 konvencionale –dy motorë me naftë me nga 90 dhe 105 kuaj fuqi si dhe dy motorë me benzinë nga 86 dhe 122 kuaj fuqi.