HTC paralajmëron modelin Wildfire

Kompania HTC e ka paramenduar modelin Wildfire si një telefon të mençur me çmim të përballueshëm i cili është i bazuar në sistemin operativ Android 2.1 të Google.
Wildfire është një telefon i cili është i bazuar në procesorin e njëjtë sikur se edhe modeli Hero, i cili tashmë është ‘mplakur’. Duket se HTC ka gjetur shkaqet e punës jo aq të shpejt të Hero, e ato sigurisht nuk janë në procesor. Sistemi operativ i Wildfire do të jetë Android 2.1 i cili do të ketë të shtuar konfiguracionin e HTC-së.
që do ta bëj këtë telefon të HTC-së me Android më të veçantë nga modelet tjera është integrimi edhe më i madh me rrjetet shoqërore, posaçërisht me atë Facebook. Gjatë pranimit dhe realizimit të bisedave telefonike, përdoruesit do të shfaqet një pjesë e shkurtër e profilit të personit i cili thërret apo atij që thërrisni.

Është e qartë se të rinjtë janë shënjestër e këtij telefoni, prandaj HTC ka tentuar të zbres çmimin sa më shumë që është e mundur të tij. Kjo është arritur me shfrytëzimin e procesorit të vjetër dhe ekranit me rezolucion diç më të ulët (240 x 320 piksela).

Për të optimizuar performansat në një platformë të dobët HTC ka larguar të gjitha efektet tredimensionale nga konfiguracioni i saj Sense. Si pasojë e harduerit më të dobët dhe rrjedhimisht më pak ngarkesë e softuerëve në harduer kohëzgjatja e baterisë do të duhej të ishte më e mirë.

Pritet që HTC të lansojë këtë model gjatë tremujorit të tretë të këtij viti, kur edhe do të kuptojmë më shumë detaje teknike për të.