T-Mobile paralajmeron celularin Android

T-Mobile ka filluar t’iu dërgojë ftesat gazetarëve britanikë për paraqitjen e telefonit të parë celular – Android.

Pamja e pjesshme e telefonit celular është e bazuar në sistemin operativ Android, të cilin vizitorët kanë mundur ta shohin në ngjarjen Google Developers Day, javën e kaluar në Londër.

Mike Jennings nga Google ka demonstruar sistemin operativ dhe aplikacionet në pajisjen ekzistuese me emër të fshehur. PC World pohon se kjo është pikërisht pajisja e T-Mobile e cila do t’iu paraqitet gazetarëve dhe publikut javën e ardhshme.

Celulari përngjanë me HTC Dream, që në fakt nuk çudit aspak pasi pajisjet smartphone të T-Mobile, MDA e Vario, i prodhon HTC, prandaj është logjike që nga prodhuesi i njëjtë të jetë porositur edhe platforma harduerike e T-Mobile Android.

Specifikat e telefonit ende nuk janë të njohura dhe për këtë do të na duhet të durojmë deri javën e ardhshme, por ajo që dihet është se shitja e tij do të filloj në tetor dhe se pritet prodhimi në mes të 500.000 e 700.000 njësive.