Inva kthehet furishëm në skenën e Tiranës

E gjithë vëmendja ditëve të fundit ishte e përqëndruar kah opera
“Përallat e Hofmanit”, e në veçanti te Inva Mula, që është rikthyer pas një kohe
të gjatë në skenën e Tiranës.
Premiera e operës në fjalë u zhvillua të premtën dhe përfundoi me sukses.
Ishte kjo një arritje e pritur, marrë parasysh nivelin e artistëve tjerë
pjesëmarrës, që pos Inva Mulës vlen të përmenden emra si: tenori Luca Lombardo,
Vikena Kamenica dhe Erlind Zeraliu.
Se sa shumë është pritur kjo shfaqje, ky rikthim i Inva Mulës në skenën
shqiptare, e tregoi dhe numri i biletave të shitura, të cilat u shitën të tërat
një javë para premierës.
“Nuk mund ta imagjinoni dot se sa e emocionuar isha përpara se të hyja në
skenë. Të rikthehesh në hapat e rinisë dhe të adoleshencës, është një emocion
shumë i madh. Kisha vetëm dëshirën të isha në nivelin e duhur për t’i kënaqur
artëdashësit”, u shpreh Mula prapa skenës për Top Channel.
/Telegrafi/