Kindle vjen në Android kësaj vere

Lexuesi i librave elektronike Kindle i kompanisë Amazon nuk është vetëm një pajisje harduerike, por edhe platformë; softuer i cili që një kohë mund të instalohet në iPhone e BlackBerry, e kësaj vere në të do të mund të kënaqen edhe pronarët e pajisjeve të bazuara në Android.
Kindle për Android do të jetë një aplikacion pa pagesë në të cilin përdoruesit të cilët kanë të instaluar sistemin operativ Android 1.6, apo ndonjë version më të ri se ky, do të mund të kërkojnë dhe blejnë libra, numri i të cilave është rritur në gjysmë milioni.

Në të ekziston edhe mundësia e sinkronizimit me pajisjet tjera Kindle të cilat mund t’i posedoni, mundësia e shkrimit të etiketave, mbajtjes mend të faqes së fundit në të cilën keni qenë e gjëra të ngjashme si këto.

Për më shumë, sigurisht që do të kuptojmë nesër kur fillon edhe konferenca I/O e Google në të cilën krejt kjo do të paraqitet në sistemin e vërtetë operativ - Android.