Braktisje kolektive e Facebook më 31 maj

Në kohën e ankesave ndaj të shumta administratorëve të rrjetit më të popullarizuar online në botë, Facebook, çdo ditë e më shumë po dalin iniciativa për braktisjen e këtij rrjeti. Një grup i përdoruesve të pakënaqur të Facebookut planifikojnë të organizimit të fshirjes masive të profileve të Facebookut më 31 maj.
Në faqen e internetit QuitFacebookDay.com përdoruesit të cilët kanë për qëllim të braktisin Facebookun mu atë ditë kanë rastin të anëtarësohen dhe në këtë mënyrë të shprehin publikisht pakënaqësinë e tyre.

Arsyeja për braktisje masive të rrjetit sigurisht janë lëshimet e sigurisë, e në QuitFacebookDay.com është dhënë sqarimi: "Nëse pajtoheni se Facebook nuk respekton, as të dhënat tuaja private e as të ardhmen e internetit, atëherë mund të na bashkoheni". Deri në momentin e shkrimit të këtij artikulli janë paraqitur saktësisht 2.266 përdorues.

Madje grup për këtë qëllim është krijuar edhe në vet rrjetin Facebook.

Nëse kjo që ofrojnë këta përdorues ju duket një gjë pak tepër ekstreme, ekzistojnë edhe mënyra tjera për të shprehur mospajtimin tuaj, si p.sh. me anë të Facebook Protest.